11 مامىر كۇنى الماتى قالاسىنىڭ اۋەزوۆ اۋدانىنداعى مامىر-4 شاعىناۋدانىندا ورنالاسقان جەكەمەنشىك تۇرعىن ۇيدەن شىققان ءىرى ءورت تولىق ءسوندىرىلدى. بۇل تۋرالى قر توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
ۆەدومستۆونىڭ حابارلاۋىنشا, وت تۇرعىن ءۇيدىڭ شاتىرىنا تۇتانىپ, كەيىن قويما رەتىندە پايدالانىلعان جەكە قۇرىلىسقا وتكەن. الايدا قۇتقارۋشىلاردىڭ شۇعىل ارەكەتىنىڭ ارقاسىندا ءورتتىڭ كورشى عيماراتتارعا تارالۋىنا جول بەرىلمەدى.
«قابىلدانعان شارالاردىڭ ناتيجەسىندە ءورت 290 شارشى مەتر اۋماقتا ءسوندىرىلدى», – دەلىنگەن رەسمي اقپاراتتا.
وقيعا سالدارىنان زارداپ شەككەندەر جوق. قازىر ءورتتىڭ شىعۋ سەبەبى انىقتالىپ جاتىر.