پارادقا قازاقستان قارۋلى كۇشتەرىنىڭ بارلىق تۇرىنەن 4 مىڭنان اسا اسكەري قىزمەتكەر قاتىستى. سونداي-اق ارنايى 200-دەن اسا اسكەري قارۋ-جاراق پەن تەحنيكا, 66 اسكەري اۆياتسيا ۇشاعى مەن تىكۇشاق اكەلىنگەن, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جەڭىستىڭ 80 جىلدىعىنا ارنالعان پاراد مايدانگەرلەردىڭ ەرلىگىنە تاعزىم ەتۋدى, تاۋەلسىز قازاقستان ارمياسىنىڭ بۇگىنگى كۇش-ايبىنىن كورسەتۋدى كوزدەيدى.
العاش رەت مەحانيكالاندىرىلعان كولوننالاردىڭ ساپىن «بۋك», «تور» زەنيتتى-راكەتا كەشەندەرى, «بارىس», «الان», «ايبار», «تايماس», «تەررەكس» دوڭگەلەكتى ۇرىس ماشينالارى, مينانى زالالسىزداندىراتىن روبوتتارى بار ارناۋلى اۆتوكولىكتەر تولىقتىرىپ وتىر.
سونىمەن قاتار وتاندىق قورعانىس ونەركاسىبى كەشەنىنىڭ كاسىپورىندارى شىعارۋدى جوسپارلاپ وتىرعان ۇرىس ماشينالارى, روبوتتاندىرىلعان قايىق جانە ۇشقىشسىز باسقارىلاتىن ۇشۋ قوندىرعىلارى تانىستىرىلدى.
اۋە كەڭىستىگىنەن ا-400 اسكەري-كولىك ۇشاعى, L-410 جولاۋشىلار ۇشاعى جانە بي-300 پاترۋل ۇشاعى ۇشىپ ءوتتى.