پاۆلودار قالاسىندا تۇرعىن ءۇيدىڭ ءۇشىنشى قاباتىنان 2021 جىلى تۋعان بالا قۇلاپ كەتتى. ەر بالا وقيعا ورنىندا كوز جۇمعان, دەپ حابارلايدى Egemen.kz.
وڭىرلىك دەنساۋلىق ساقتاۋ باسقارماسىنان حابارلاعانداي, وقيعا بۇگىن كەشكىلىك بولعان.
- پاۆلودار قالاسىنىڭ جەدەل جاردەم قىزمەتىنە شاقىرۋ ساعات 20.35-تە ءتۇستى. جەدەل جاردەم بريگاداسى وقيعا ورنىنا شۇعىل جەتتى. وكىنىشكە قاراي, مەديتسينا قىزمەتكەرلەرى بالانىڭ قۇلاعان جەردە قايتىس بولعانىن تىركەدى, - دەلىنگەن اقپاراتتا.
بالا 2021 جىلى تۋعان, ءۇيدىڭ ءۇشىنشى قاباتىنان قۇلاعان.
وڭىرلىك بالالار ومبۋدسمەنى ساۋلە شاكەنوۆا اتالعان قايعىلى وقيعا بويىنشا ماتەريال پوليتسيادا تىركەلگەنىن جەتكىزدى. بۇل – جىل باسىنان بالالاردىڭ بيىكتەن قۇلاۋى بويىنشا وبلىستا ەكىنشى تىركەلگەن وقيعا.
پاۆلودار وبلىسى