اباي وبلىسى اياگوز اۋدانىنىڭ قازاق مەكتەپ-ليتسەيىنىڭ 5-سىنىپ وقۋشىلارى ەرسۇلتان جۇماتاي, ءامىرحان ساپيەۆ پەن اكەجان بەرىكقازى سۋ ارنالارىنداعى قوقىستى اۆتوماتتى تۇردە تازارتاتىن ەرەكشە روبوت جاساپ شىقتى, دەپ جازادى Egemen.kz.
وقۋشىلار روبوتقا «جالىن» دەپ ات قويعان. سۋ ارنالارىندا قوقىس جينالۋىنىڭ الدىن الاتىن روبوتتى وقۋشىلار ەكولوگيا, ينجەنەريا جانە روبوتوتەحنيكا ساباقتارىندا العان بىلىمدەرى بويىنشا قۇراستىرعان.
وقۋ-اعارتۋ مينيسترلىگىنىڭ مالىمدەۋىنشە, ولار يدەيادان باستاپ ىسكە اسىرۋعا دەيىنگى بارلىق كەزەڭدى وزدەرى ورىنداپ, مەحانيكالىق تازارتۋ قاعيدالارىن جانە باعدارلامالاۋدىڭ نەگىزدەرىن زەرتتەگەن.
«بىزگە بۇل يدەيا پرەزيدەنتىمىزدىڭ «تازا قازاقستان» باستاماسىنىڭ ارقاسىندا كەلدى. روبوتىمىز تۋعان اۋىلىمىزدا تازالىقتى ساقتاۋعا كومەكتەسسە دەيمىز. ال بولاشاقتا قوقىستى جيناپ قانا قويماي, ونى سۇرىپتاي الاتىن ميني-روبوت جاساۋدى جوسپارلاپ وتىرمىز», دەيدى وقۋشىلار.
بۇل جوبا 2024 جىلعى FIRST Championship ايماقتىق كەزەڭىندە جوعارى باعالانىپ, ۇزدىك وندىققا ەنگەن. سونداي-اق الەۋمەتتىك ماسەلەلەردى شەشۋگە قوسقان ۇلەسى, جاڭاشىلدىعى مەن كوماندالىق جۇمىسى ءۇشىن Core Values Winner نوميناتسياسىندا ماراپاتقا يە بولعان.