«قازسۋشار» فيليالى جەتىساي, ماقتاارال جانە شاردارا اۋداندارىندا 134 مىڭ گەكتاردان استام جەردە سور شايۋ جۇمىستارىن جاسادى, دەپ حابارلايدى Egemen.kz.
جىل سايىن ەگىس القاپتارىندا ىلعال كولەمىن ۇلعايتىپ, توپىراقتىڭ قۇنارلىعىن ارتتىرىپ, اۋىل شارۋاشىلىعى ونىمدىلىگىن جاقسارتۋ ءۇشىن سور شايۋ جۇمىستارى جۇرگىزىلەدى.
«اۋىل شارۋاشىلىعى القاپتارىنا ۋاقىتىلى جانە تۇراقتى سۋ بەرۋدىڭ ناتيجەسىندە ءوڭىردىڭ شارۋا قوجالىقتارى جاقسى ءونىم الىپ جاتىر. ءبىزدىڭ فيليال جەرگىلىكتى شارۋالاردى سۋارمالى سۋمەن قامتۋ بويىنشا بەلسەندى جۇمىس جۇرگىزدى. كەيبىر ديحاندار العاشقى ونىمدەرىن جيناپ, ىشكى نارىقتا ساتۋعا جانە ەكسپورتقا جىبەرىپ جاتىر», دەيدى تۇركىستان وبلىسىنىڭ «قازسۋشار» فيليالىنىڭ ديرەكتورى قازىبەك بەدەباەۆ.