ماڭعىستاۋداعى مەكتەپ اسحاناسىنان ۋلانعان بالالاردىڭ ءىسى بويىنشا كاسىپكەرگە قاتىستى سوتتىڭ ۇكىمى شىقتى, دەپ حابارلايدى Egemen.kz.
شەشىمگە سايكەس, كاسىپ يەسى شاپكەنوۆا 1 جىل مەرزىمگە باس بوستاندىعىنان ايىرىلادى, سونداي-اق وعان 3 جىل بويى قوعامدىق تاماقتاندىرۋ ورنىندا كاسىپكەرلىك قىزمەتپەن اينالىسۋ قۇقىعىنان بەرىلمەيتىن بولدى. انىقتالعانداي, سوتتالۋشى اسحانادا سانيتارلىق تالاپتاردى ورەسكەل بۇزعان. سونىڭ سالدارىنان, 400 وقۋشى ۋلانعان. الايدا 182 بالانىڭ اتا-اناسى عانا كاسىپكەردىڭ ۇستىنەن ارىز ءتۇسىرىپتى. سوت جازا تاعايىنداۋ كەزىندە جازانى اۋىرلاتۋعا نەگىز جوق دەدى.
«قر قىلمىستىق كودەكسىنىڭ 304-بابى, 1-بولىگىندە كوزدەلگەن قىلمىستىق قۇقىقبۇزۋشىلىق ارەكەتتەر جاساعانى ءۇشىن, كىنالى دەپ تانىلسىن. وعان وسى باپ بويىنشا 3 جىل مەرزىمگە قوعامدىق تاماقتاندىرۋ سالاسىندا كاسىپكەرلىك قىزمەتپەن اينالىسۋ قۇقىعىنان ايىرا وتىرىپ, 1 جىل مەرزىمگە باس بوستاندىعىنان ايىرۋ جازاسى تاعايىندالسىن», – دەدى مۇنايلى اۋداندىق سوتىنىڭ توراعاسى سەرىك ناۋرىزباەۆ.
جابىرلەنۋشىلەردىڭ ءبىرى سوتتىڭ شەشىمىمەن كەلىسپەيتىنىن جانە اپپەلياتسيالىق سوتقا شاعىم تۇسىرەتىنىن مالىمدەدى. ول كاسىپكەرگە كەسىلگەن 1 جىل از دەپ وتىر. سەبەبى ۋلانعان بالانىڭ دەنساۋلىعى ءالى كۇنگە دەيىن جاقسارماعان.
ەستەرىڭىزگە سالا كەتەيىك, بىلتىر 6-قىركۇيەكتە مۇنايلى اۋدانىنداعى مەكتەپتەردىڭ بىرىندە 460 بالا اسحاناداعى استان ۇشىنعان. ناتيجەسىندە 2 بالا اۋىر حالدە جانساقتاۋ بولىمىنە تۇسكەن.
ء«بىر جىل دەگەن تىم از, كوپ بولۋ كەرەك ەدى. بالالارىمىز ءالى كۇنگە دەيىن ءىشى اۋىرادى. دۇرىستاپ تاماقتى جەي المايدى, ءىشى وتەدى, قۇسادى. ۋلانعانننان كەيىن ءدارى بەرىپ, بالانىڭ اعزاسىن 2 ەسەۋلاپ جاتىرمىز», – دەدى جابىرلەنۋشى روزا قاراساەۆا.