تالدىقورعان قالاسىندا «تازا قازاقستان» باعدارلاماسى اياسىندا ەكى تاۋلىك ىشىندە 2 مىڭ تونناعا جۋىق قوقىس جينالىپ, ارنايى پوليگوندارعا شىعارىلدى. بۇل جۇمىسقا 67 ارنايى تەحنيكا جۇمىلدىرىلىپ, قالا تۇرعىندارى دا بەلسەندى اتسالىستى.
5 ساۋىرگە جوسپارلانعان جالپى قالالىق سەنبىلىك اۋا رايىنىڭ قولايسىزدىعىنا بايلانىستى وتپەي قالسا دا, كوممۋنالدىق قىزمەتكەرلەر مەن ەرىكتىلەر كۇندەلىكتى تازالىق جۇمىستارىن توقتاتپادى. قالا اكىمىنىڭ ورىنباسارى قۋانىش سەيىتىمبەتوۆتىڭ ايتۋىنشا, تۇرمىستىق قالدىقتاردى جيناۋ جۇمىستارى 31 ناۋرىزدان باستاپ قارقىندى جۇرگىزىلگەن.
– اۋا رايىنىڭ قولايسىزدىعىنا قاراماستان, ەكى كۇن ىشىندە جەكە سەكتور مەن كوپقاباتتى ۇيلەر اۋماعىنان 1800 توننا قوقىس شىعارىلدى. تازالىق جۇمىستارى ءارى قاراي دا جالعاسادى, – دەدى قۋانىش سەيىتىمبەتوۆ.
ايتا كەتەيىك, تالدىقورعان قالاسىندا 12, 19 جانە 26 ءساۋىر كۇندەرى جەرگىلىكتى سەنبىلىكتەر وتكىزۋ جوسپارلانعان.