يسپانيانىڭ سالامانكا قالاسىنداعى جاڭا كافەدرالدى سوبور – XVI–XVIII عاسىرلاردا سالىنعان تاريحي ورىنداردىڭ ءبىرى. بۇل ءدىني عيماراتتىڭ ەرەكشەلىگى, قابىرعالار اراسىنان سكافاندر كيگەن عارىشكەردىڭ بەينەسى بايقالادى.
ءبىر قاراعاندا بۇل ورتا عاسىردان جەتكەن تىلسىم جۇمباقتاي كورىنەدى, بىراق ءىس جۇزىندە مۇندا ەشقانداي دا ميستيكالىق سىر جوق. 1992 جىلى رەستاۆراتسيا كەزىندە شەبەرلەر ءوز ءداۋىرىنىڭ بەلگىسىن بىلدىرەتىن جاڭا ەلەمەنت قوسۋى كەرەك بولعان. ءسويتىپ, مۇسىنشىلەردىڭ بىرەۋى جاڭا زاماننىڭ بەلگىسى دەپ عارىشكەردىڭ بەينەسىن قابىرعاعا قاشاپ سالعان ەكەن. بۇگىندە بۇل ەرەكشە ءمۇسىن تۋريستەردىڭ ەڭ كوپ نازارىن اۋداراتىن ايرىقشا ورىنداردىڭ بىرىنە اينالعان.