بەلگىلى جازۋشى, مەملەكەتتىك سىيلىقتىڭ لاۋرەاتى رامازان توقتاروۆقا پاۆلودار قالاسىنان كوشە بەرىلدى. بۇدان بىلاي وبلىس ورتالىعىنداعى مولودوگۆاردەيتسەۆ كوشەسى قالامگەردىڭ اتىمەن اتالاتىن بولدى.
پاۆلودار وبلىسى اكىمدىگى مەن وبلىستىق ءماسليحاتتىڭ بىرلەسكەن قاۋلىسى مەن شەشىمى وسى اپتادا جاريالاندى. بۇل جازۋشىنىڭ بيىلعى 90 جىلدىق مەرەيتويى اياسىندا اتقارىلعان يگىلىكتى ءىستىڭ ءبىرى بولعانى داۋسىز.
قالامگەرگە تۋعان قالاسىنان كوشە اتىن بەرۋ, ر.توقتاروۆتىڭ شىعارماشىلىعىن ناسيحاتتاۋ جايىندا «Egemen Qazaqstan» گازەتى وسىدان ءتورت جىل بۇرىن ارنايى ماقالا جازعان بولاتىن. ءارى بۇل ماسەلەنى وسى ۋاقىتقا دەيىن ءجىتى نازاردا ۇستادى. سونىڭ ناتيجەسىندە, 20 جىل بويى سەتىنەمەي تۇرعان سەڭ قوزعالىپ, ەرتىس-بايان وڭىرىندە قالامگەردى دارىپتەۋگە قاتىستى وڭ وزگەرىستەر باستالدى.
– رامازان توقتاروۆتىڭ كىتاپتارى تسيفرلىق فورماتقا كوشىرىلدى. س.تورايعىروۆ اتىنداعى وبلىستىق كىتاپحانادان جازۋشىعا ارنالعان بۇرىش اشىلدى. وعان قالامگەردىڭ جەكە كىتاپحاناسىنان اكەلىنگەن كىتاپتار مەن قولجازبالار, باسقا دا جادىگەرلەر قويىلدى. رامازان توقتاروۆقا مەملەكەتتىك سىيلىق اپەرگەن «ابايدىڭ جۇمباعى» رومانى «Foliant» باسپاسىنان قايتا باسىلىپ شىقتى. «اباي» تەلەارناسى جازۋشى تۋرالى دەرەكتى فيلم ءتۇسىردى. ەندى, مىنە, پاۆلودار قالاسىنان كوشە بەرىلىپ وتىر. وسى يگى ىستەردىڭ بارلىعى «Egemen Qazaqstan» گازەتىندە جاريالانعان ماقالا ەل باسشىلىعى مەن ادەبيەت سۇيەر جۇرتشىلىقتىڭ نازارىن اۋدارعاننان كەيىن اتقارىلعانىن اتاپ وتكەن دۇرىس, – دەيدى ر.توقتاروۆ-تىڭ ءومىرى مەن شىعارماشىلىعىن زەرتتەپ جۇرگەن بەلگىلى جۋرناليست فارحات امىرەنوۆ.
رامازان توقتاروۆ پاۆلودار قالاسىندا تۋعان. ەندى «ەرتىس پەرزەنتى» اۆتورىنىڭ اتىندا كوشە بار.
پاۆلودار