پوشتا جۇمىسى قالاي وزگەرەدى؟

ينفراقۇرىلىمعا اۆ­تو­مات­تان­دىرۋ دەڭ­گەيiنىڭ تومەندىگى, پايدالانۋشى قاجەتتىلىگىنە جەت­كiلiكسىز باعدارلانۋ سياقتى تۇيتكىلدەر قوسىل­سا, پوشتا جە­لىسىنىڭ قالىپ­تى جۇ­مىسى ىركىلەدى. بۇگىندە تەح­ني­­كالىق جاڭارۋ كوبىنە ورتا­لىق ايماقتاردى قام­تيدى. سونىڭ سالدارىنان, پوش­تا بايلانىسى ينفرا­قۇ­رى­لى­مىنىڭ دامۋىن­داعى اركەل­كىلىك تۇتىنۋشىلاردىڭ ءبىر بو­لى­گىنىڭ پوشتا قىزمەتى سالاسىنان ءتۇسىپ قالۋىنا اكەلەدى. ءىرى قا­لا­لار­دا جاعداي ەداۋىر وڭدى بول­عا­نىمەن, ەلى­مىزدىڭ شالعاي جەر­لە­رىندەگى پوش­تالار ءالى جاڭعىر­تۋعا ءزارۋ.

قازىر ەلدەگى بارلىق 2 مىڭ اۋىلدىق پوشتا بولىمشەلەرىنىڭ 37%-ى (773) تۇرعىندارى 2 مىڭ ادامنان از اۋىلداردا ورنا­لاسقان. وسىعان بايلانىس­تى بولىمشەلەردىڭ جۇمىسى دا ءتيىمسىز بولىپ وتىر. «قاز­پوش­­تانىڭ» ماتەريالدىق-تەح­نيكالىق بازاسىنىڭ جاي-كۇيى دە ءجىتى نازار اۋدارۋدى قاجەت ەتەدى. مىسالى, جىلجىمايتىن م ۇلىك نى­ساندارى ورتاشا ەسەپپەن 65%-عا توزعان, 375 نىسان وتكەن عاسىردىڭ 70-جىلدارىندا پايدالانۋعا بەرى­ل­گەن. ۇلتتىق وپەراتوردىڭ تەڭگەرىمىندەگى كولىك قۇرالدارىنىڭ 2,1 مىڭ بىرلىگىنىڭ 25%-ى (540) ەسەپتەن شىعارۋعا جاتادى. حقكو, بانك فۋنكتسيالارىن قاتار ورىنداپ وتىرعان پوشتا بولىمشەسى اۋىلدىق جەرلەردە ستراتەگيالىق ماڭىزعا يە. كەيبىر پوشتا بولىمشەلەرى ءتىپتى بيلەت كاسسالارىنىڭ ءرولىن اتقا­را­دى. مەملەكەتتىك قىزمەت كور­­سەتۋ جوباسى اياسىندا 200 ەلدى مەكەندە اۋىلدىق پوشتا بايلانىسى بولىمشەلەرى ارقىلى: انىق­تا­مالار, الەۋمەتتىك سيپات­تا­عى ءتۇرلى جاردەماقىلاردى رەسىمدەۋ, مۇمكىندىگى شەكتەۋلى جانداردى تەحنيكالىق-كومەكشى قۇرالدارمەن قام­تاماسىز ەتۋگە وتىنىشتەر, سون­داي-اق ازاماتتىق حال اكتىلەرىن تىر­­­­­كەۋ, ءبىلىم, سپورت جو­نىندە 40-تان اسا مەملەكەتتىك قىز­مەت ءتۇرىن الۋعا مۇمكىندىك بار.

وسى رەتتە بيىلدان باستاپ پوشتا زاڭناماسىنا ەنگىزىلگەن تۇ­زەتۋ­لەردىڭ باسىم بولىگى پوش­تا جۇيەسىن جاڭعىرتۋعا, قىزمەت ساپاسىن ارتتىرۋعا باعىتتالىپ, شالعاي اۋىلداردا پوشتا بولىم­شەلەرىنىڭ جۇمىس ىستەۋىن قام­تا­ماسىز ەتەتىن ەرەجەلەردى قاراس­تىر­عان. زاڭ اياسىندا پوشتا وپەراتورى اكىمدىكتەردى پوشتا بايلانىسى بولىمشەلە­رىنىڭ جابىلۋى تۋرالى الدىن الا حابارلاۋعا مىندەتتى. بۇل رەتتە اكىمدىكتەرگە پوشتا بايلانىسى بولىمشەلەرىن ساقتاۋعا جاردەمدەسۋ شارالارىن كورسەتۋگە قاتىستى قۇزىرەت بەرىلەدى. سونىمەن قاتار «قاز­پوش­تانىڭ» مەديتسينالىق پرەپاراتتار مەن بۇيىمداردى جەت­كىزۋمەن, ساقتاۋمەن اينالىسۋ قۇقىعى زاڭنامالىق دەڭگەيدە بەكىتىلدى. بۇل باستاما قاشىقتاعى تۇرعىندارعا ءدارى-دارمەكتىڭ, جەڭىل­دىكتەردىڭ قولجەتىمدىلىگىن جاق­سارتۋ ماقساتىندا قابىل­دانىپ وتىر.

پوشتا جۇيەسىندەگى وزگەرىستەر ءداستۇرلى, جاڭا كوممۋنيكاتسيا تاسىلدەرى اراسىنداعى تەپە-تەڭ­دىك­تى قامتاماسىز ەتە وتىرىپ, قو­عام­نىڭ زاماناۋي ۇردىستەرى مەن قاجەتتىلىكتەرىن بەلگىلەيدى. قازىر ءداستۇرلى حاتتارعا دەگەن قىزىعۋشىلىق قايتا جاندانا باستادى. ەلەكتروندى پوشتانى, الەۋمەتتىك جەلىلەردى جاپپاي قولدانۋ ۇردىسىندە قارىم-قاتى­ناس تاسىلدەرى ايتارلىقتاي وزگەرگەنىمەن, عاسىرلار بويى مادەني الماسۋدىڭ ماڭىزدى بول­شەگ­ى بولعان ءداستۇرلى پوشتانىڭ قوعام ومىرىندەگى ورنى ەرەكشە. كوپ ادامعا قولمەن جازىلىپ, جۇرەككە جەتكەن ءماتىن ۆيرتۋالدى بالامالاردان الدەقايدا قۇندى. پوشتا ارقىلى كەلەتىن حات-حابار, مەرزiمدi باسىلىمداردى جەتكiزۋ قىزمەتتەرى قىسقارىپ جاتسا دا, ولار قاشاندا سۇرانىسقا يە. مىسالى, بىلتىر ەلىمىزدە 25 ميلليونداي باسپا حات جەت­كىزىلگەن. ياعني قاعاز حاتتار اسىرەسە ينتەرنەتكە قولجەتىمدىلىگى شەكتەۋلى ايماق­تاردا وزەكتىلىگىن ساقتاپ وتىر.

ەكونوميكالىق فاكتورلار­دى ەسكەرىپ, شىعىنداردى وڭتاي­لاندىرۋ ماقساتىندا تىر­كەل­مە­گەن حاتتار مەن كارتوچ­كا­لار­دى جيناۋعا ارنالعان پوشتا جاشىك­تەرى جويىلماق. ءداستۇرلى پوشتا جاشىك­تەرىنىڭ ورنىنا كوپپاتەرلى ۇيلەردە, باسقا عيماراتتاردا ورنالاستىرۋعا بولاتىن پوشتاماتتار ەنگىزىلەدى. بۇل قىزمەتتىڭ قولجەتىمدىلىگىن جاقسارتۋ, حات-حابارلاردى الۋ قاۋىپسىزدىگىن ارتتىرۋ ماقساتىندا قاراستىرىلعان. سول سياقتى «پوشتا تۋرالى» زاڭعا ەنگىزىلگەن تۇزەتۋ­لەر­دە ءپارولدى (پين-كودتى) ەنگىزۋ ارقىلى قۇقىقتى راستاۋمەن سالەمدەمەنى ءۇشىنشى تۇلعالارعا تاپسىرۋ مۇمكىندىگى, SMS نەمەسە QR-كود ارقىلى ۆەريفيكا­تسيا­سى بار پوش­تا سالەمدەمەلەرىن تابىستاۋدىڭ زاماناۋي ءتاسىلى كوزدەلەدى.