تۇپ-تۋرا 132 جىل بۇرىن اكتەر, ۇلتتىق كاسىبي تەاتر ونەرىنىڭ نەگىزىن سالۋشىلاردىڭ ءبىرى, كسرو-نىڭ حالىق ءارتىسى, كسرو مەملەكەتتىك سىيلىعىنىڭ لاۋرەاتى قاليبەك قۋانىشباەۆ ومىرگە كەلدى, دەپ حابارلايدى Egemen.kz.
ول قازاق ساحنا ونەرىنىڭ قالىپتاسۋىنا ەلەۋلى ۇلەس قوسقان تۇلعالاردىڭ قاتارىندا. قۋانىشباەۆ 1926 جىلى قىزىلوردادا قۇرىلعان قازاق دراما تەاترىنىڭ نەگىزىن قالاۋشىلاردىڭ ءبىرى بولدى.
ول ورىنداعان رولدەردىڭ قاتارىندا اباي, ەڭلىك-كەبەك, قوبىلاندى, سەيفۋل-مالىك سىندى كەيىپكەرلەر بار. قۋانىشباەۆتىڭ ونەرى كەڭەستىك كەزەڭدەگى تەاتر سىنشىلارى تاراپىنان جوعارى باعالاندى.
سونداي-اق ول كينو ونەرىنە دە ايرىقشا ەڭبەك ءسىڭىردى. «امانگەلدى» فيلمىندە بايبولدى, «اباي الەمىندە» ابايدى, «التىن مۇيىزدە» بەرعاليەۆتى, «شوقان ءۋاليحانوۆتا» شىڭعىستى سومدادى.
قازىرگى تاڭدا ەلوردادا ورنالاسقان قازاق ۇلتتىق مۋزىكالىق دراما تەاترى قاليبەك قۋانىشباەۆتىڭ ەسىمىمەن اتالادى.