الەۋمەتتىك جەلىدە الماتىداعى تۇرعىلىقتى مەكەنجايى جوق ادامداردى قالانىڭ سىرتىنا شىعارىپ تاستاۋ فاكتىسى ورىن الىپ جاتقاندىعى تۋرالى اقپارات تارادى, دەپ حابارلايدى Egemen.kz.
الماتى قالالىق پوليتسيا دەپارتامەنتى بۇل جايتقا بايلانىستى تەكسەرۋ جۇرگىزىلىپ جاتقانىن مالىمدەدى.
«تۇراقتى مەكەنجايى جوق ازاماتتاردى انىقتاۋعا باعىتتالعان پروفيلاكتيكالىق شارالار الەۋمەتتىك جانە مەديتسينالىق قىزمەتتەرمەن بىرلەسىپ تۇراقتى تۇردە جۇرگىزىلەدى. پوليتسيا قىزمەتكەرلەرىنىڭ بارلىق ارەكەتى قولدانىستاعى زاڭناما اياسىندا جۇزەگە اسىرىلادى», دەدى ۆەدومستۆو وكىلدەرى.
حالىقتىڭ ءبىر بولىگى پوليتسيانىڭ بۇل ارەكەتىن دۇرىس دەپ تاپسا, كەلەسى ءبىر بولىگى تاعدىردىڭ تالكەگىنە ۇشىراعان ادامدارعا مەيىرىممەن قاراپ, بەيساۋات قالادان قۋا بەرۋگە بولمايتىنىن العا تارتادى.