14 ءساۋىر كۇنى كەشكە دينا ءتاڭسارى ءوزىنىڭ چەرنوگوريادا ۇستالعانىن, پوليتسيا بولىمىندە ەكەنىن جانە ونى ەكستراديتسيالاۋ ءىسى 15 ساۋىردە وتەتىنىن ايتقان ەدى. 15 ساۋىردە چەرنوگوريا بيلىگى NeMolchi.kz قورىنىڭ باسشىسىن قاماۋدان بوساتقانى بەلگىلى بولدى, دەپ جازادى Egemen.kz.
اگەنتتىكتىڭ حابارلاۋىنشا, 15 ساۋىردە چەرنوگوريا سوتى دينا ءتاڭسارىنى بۇل ەلدەن باسپانا سۇراعان ءوتىنىشى قارالماعاندىقتان قاماۋدان بوساتقان.
«قازاقستان رەسپۋبليكاسى مەن چەرنوگوريا رەسپۋبليكاسى اراسىندا ۇستاپ بەرۋ تۋرالى حالىقارالىق شارت بولماعاندىقتان, ونى ەكستراديتسيالاۋ تۋرالى شەشىمدى چەرنوگوريانىڭ قۇزىرەتتى ورگاندارى ولاردىڭ ۇلتتىق زاڭناماسىنا سايكەس قابىلدايدى», دەپ حابارلادى باس پروكۋراتۋرا.
قازىرگى تاڭدا قازاقستاندا دينا تاڭسارىگە قاتىستى قىلمىستىق ءىس بويىنشا سوتقا دەيىنگى تەرگەۋ مەرزىمى ءۇزىلدى.
ايتا كەتەيىك, 2024 جىلدىڭ جەلتوقسان ايىندا الماتى قالاسىنىڭ, شىعىس قازاقستان جانە الماتى وبلىستارىنىڭ پوليتسيا دەپارتامەنتى دينا تاڭسارىگە قاتىستى كورىنەۋ جالعان اقپارات تاراتۋ, جەكە ومىرگە قول سۇعۋ, ونىڭ ىشىندە ەكى الاياقتىق فاكتىلەرى بويىنشا التى قىلمىستىق ءىس قوزعاپ, تەرگەپ جاتقانى بەلگىلى بولدى.