شانحاي ىنتىماقتاستىق ۇيىمى مادەني بايلانىستاردى تەرەڭدەتۋگە مۇددەلى. وزبەكستان استاناسى تاشكەنتتە ناۋرىز مەرەكەسىن تويلاعان شىۇ قوعامدىق ديپلوماتيا ورتالىعىنىڭ وكىلدەرى وسىنداي ۇسىنىس جاسادى, دەپ حابارلايدى Egemen.kz.
كورشى وزبەك ەلىنىڭ استاناسىندا وتكەن مادەني شاراعا ديپلوماتتار, ولي ماجليس دەپۋتاتتارى, حالىقارالىق قاتىناستار جانە شەتەلدەگى قانداستار كوميتەتىنىڭ باسشىلىعى قاتىستى. ءىس-شارا مەرەكەلىك كورىنىستەن بولەك, ۇيىم قاتارىنداعى ەلدەر مەن ۇلتتاردىڭ مادەنيەتىن تەرەڭ تانۋعا دا ارنالدى.
تۇساۋكەسەر راسىمىنە قاتىسقان شىۇ-نىڭ قوعامدىق ديپلوماتيا ورتالىعىنىڭ ديرەكتورى قوبۋلجون سوبيروۆ ورتالىق ازيا ەلدەرى اراسىنداعى ىنتىماقتاستىق رۋحى باسقا ايماقتارعا ۇلگى ەكەنىن اتاپ ءوتتى. ءسويتىپ, ۇلتتاردىڭ رۋحاني بايلانىستارى تەرەڭدە ەكەنىن ايتتى.
«ورتالىق ازيا مەملەكەتتەرىنىڭ ىنتىماقتاستىعىنىڭ رۋحى وزگە وڭىرلەرگە ۇلگى. مەملەكەت باسشىلارى جۇرگىزىپ وتىرعان سىرتقى ساياساتتىڭ ناتيجەسىندە ايماقتا دوستىق پەن ءوزارا سەنىمگە نەگىزدەلگەن قارىم-قاتىناس ورنادى. ءبىز كوپ جىلدار بويى شەشىمىن تاپپاي كەلە جاتقان ماسەلەلەردى شەشتىك. ونىڭ قاتارىندا شەكارالىق جانە كولىك-لوگيستيكالىق پروبلەمالار بار. ءبىز ينتەگراتسيانى دامىتۋعا تىرىسامىز», دەپ جالعادى ءسوزىن قوبۋلجون سوبيروۆ.
ونىڭ جۇمىسىندا جىلدىق جانە شاعىن ماتەريالدىق-تەحنيكالىق ماسەلەلەر بار.
ء«بىز ينتەگراتسيالانعان قوعام قۇرۋدى قالايامىز», دەدى ول.
«پرەزيدەنت شاۆكات ميرزيەەۆتىڭ ەتنوسارالىق قۇندىلىقتاردى ساقتاۋ مەن باۋىرلاس ەلدەردىڭ ىنتىماقتاستىعىن نىعايتۋ جونىندەگى باستامالارى ۇلكەن ناتيجە بەرە باستادى. سوعان سايكەس, ءبىز بارلىق ءتيىستى ۇيىمدار اياسىندا مادەني بايلانىستاردى نىعايتۋعا مۇددەلىمىز», دەدى وزبەكستان رەسپۋبليكاسىنىڭ ەتنوسارالىق قاتىناستار جانە قانداستار ىستەرى جونىندەگى كوميتەتىنىڭ توراعاسى قاحرامون ساريەۆ.