ەلوردالىق دەپۋتاتتار – ەل گازەتىندە قوناقتا

ەركىن پىكىر الماسۋ فور­ما­تىن­دا­عى باسقوسۋ­دى اشىپ, جۇرگىزگەن سەرىك­تەس­تىكتىڭ باس ديرەكتورى ديحان قامزابەك ۇلى ەلوردالىق ءماسليحات دەپۋتاتتارىنىڭ باسپا­سوز­گە دەگەن ىقىلاسىنا, ءوزارا ىقپالداستىقتى جاڭا دەڭگەيگە كوتەرۋگە باعىتتالعان پەيىلدەرىنە العىس ايتىپ, كەزدەسۋدىڭ ماڭىز­دىلىعىن اتاپ ءوتتى.

– ءبارىمىز مەملەكەتتىك مۇددەگە قىزمەت ەتىپ ءجۇرمىز. جاڭارعان ەلىمىزدىڭ, ادىلەتتى قازاقستاننىڭ مۇمكىندىگىنشە قوعامعا جاقىن بولۋ, قوعامدىق ديالوگتى العا شىعارۋ سىندى بۇگىنگى ماقسات-مۇراتتارىن جاقسى تۇسىنەمىز. سونىمەن قاتار ەلىمىزدە وزگە ەتنوس وكىلدەرى دە ءومىر ءسۇرىپ جاتىر, ءتۇرلى قوعامدىق-ساياسي جىكتەر دە بار. مىنە, وسىلاردىڭ اراسىندا بەلگىلى ءبىر سۇحباتتاستىقتى كاسىبي ديالوگ دەڭگەيىنە جەتكىزۋ, سونداي-اق مادەني-اعارتۋشىلىق, وتباسى قۇندىلىقتارى, جاستار ءىسى سىندى وزگە دە اقپاراتتىق باعىتتاعى جۇمىس­تاردى كۇندەلىكتى جۇزە­گە اسىرىپ كەلەمىز, – دەپ د.قامزابەك ۇلى 300-گە جۋىق قىز­مەت­كەردىڭ باسىن قوسقان سەرىكتەس­تىكتىڭ 11 باسىلىمىنىڭ باعىت-باعدارىن تانىستىرىپ شىقتى.

ءوز كەزەگىندە استانا قالا­لىق ءماسلي­حاتىنىڭ توراعاسى تابيعات زەينۇلقابدەن ەلىمىز­دىڭ باس باسىلى­مى­نىڭ ۇجى­مى­مەن كەزدە­سىپ, جيىننىڭ رۋحاني پىكىر الماسۋ باعىتىندا ۇيىمداستىرىلعانىنا ريزاشى­لى­عىن ءبىلدىردى.

– ەلىمىزدىڭ دامۋى باعىتىن­دا اتقارىپ جاتقان جۇمىس­تا­رى­مىزدىڭ ورتاق تۇس­تارى كوپ. ماسەلەن, سىزدەر قوعامعا قا­لام ارقىلى قىزمەت قىلساڭىزدار, ءبىز دە قوعامنىڭ ءۇنىن اتقارۋشى بيلىككە ىسىمىزبەن جەتكىزىپ وتىرمىز. الداعى ۋاقىتتا ءماسليحات اتقارعان جۇمىستاردى سىزدەر ارقىلى حالىققا ۇنەمى جەتكىزىپ وتىرساق, ۇلكەن شارۋا اتقارىلار ەدى, – دەگەن ت.زەينۇلقابدەن سوناۋ بالا كۇنىندەگى گازەتپەن العاش قالاي تانىسقان وقيعاسىن اڭگىمەلەپ بەردى.

ال كەزىندە ەلوردالىق «استانا اقشا­مى» گازەتىندە 13 جىل تابان اۋدارماي باسشى­لىق قىزمەت­تەردە بولعان, بۇگىندە «Egemen Qazaqstan» گازەتى باس رەداكتورىنىڭ ورىنباسارى تالعات باتىرحان ءماسليحات دەپۋ­تاتتا­رىنىڭ الدىندا گازەت مارتەبەسىنە بايلانىستى ءبىر ۇتىمدى ۇسى­نىسىن ورتاعا سالدى.

– ءبىزدى ەلوردانىڭ جاۋاپتى ورىندارىنىڭ, مەكتەپتەرىنىڭ «ەگەمەننەن» باستاپ بالالار گازەتىنە مۇلدەم از جازىلۋى تولعاندىرادى. ساۋاتتى استاناعا ءبارىمىز دە جاۋاپتىمىز. ءيا, استانانىڭ وزگە قالالاردان مارتەبەسى جوعارى. سول سياقتى ونىڭ گازەتىنىڭ دە مارتەبەسى ەلى­مىز­دىڭ وزگە دە قالالىق گازەت­تە­رى­نەن ءبىر باس جوعارى تۇرۋى كەرەك. قانشا دەگەنمەن ەل­دىڭ استا­­­نا­سىنىڭ شەجىرەسىن جا­ساپ جاتقان باسىلىم عوي, – دەپ ت.باتىرحان استانالىق ءماسليحات دەپۋتاتتارىنىڭ نازارىنا «اقشامدىقتاردىڭ» ۇلكەن ماسەلەسىن جەتكىزدى.

ودان كەيىن ءسوز العان دەپۋتات كەندەباي ادامبەك ءماسليحات دەپۋتاتتارىنىڭ دا جۇمىسىن جۇرتقا تۇراقتى جەتكىزىپ وتىراتىن ارىپتەستىك ورناتۋ يدەياسىن تاستادى. ول ماجىلىسمەندەر سياقتى استانالىق ءماسليحات دەپۋتات­تارىنىڭ دا باتىل ۇسى­نىس­تارىن ايتىپ, وزەكتى ماسەلەنى كوتەرگەن وتكىر ساۋالدار جولداپ تۇراتىنىن تىلگە تيەك ەتتى.

سونداي-اق جيىندا «قازاق گازەت­تەرى» جشس باس ديرەكتو­رى­نىڭ ءبىرىنشى ورىنباسارى ۆيكتور پريانيكوۆ, «Egemen Qazaqstan» گازەتىنىڭ باس رەداكتورى عابيت ىسكەندەر ۇلى, دەپۋتاتتار باۋىرجان قاسىمبەرگەباەۆ, دينارا بايسەركينا, عابيت ءتاجىمۇرات, اسقار سماعۇلوۆ, بەكزات جولجاقسىنوۆ, «Egemen.kz» سايتى­­نىڭ شىعارۋشى رەداكتورى بايان سۇلەيمەنقىزى دا ءسوز سويلەپ, باق وكىل­دەرى مەن دەپۋتات­تاردىڭ بايلانىسىن ارتتىرا تۇسكەن باستاماعا جوعارى باعا بەردى.

جيىن سوڭىندا ديحان قامزابەك ۇلى استانا قالالىق ءماسلي­حا­تىنىڭ تورا­عاسى تابيعات زەينۇلقابدەنگە العىس ءبىل­دىرىپ, ەل گازەتىنەن ەستەلىك رەتىندە «اباي قۇنانباي ۇلى: سيپاتتامالى بيبليوگرافيالىق كورسەتكىش» كوپتوم­دىعىنىڭ ءى, ءىى تومدارىن, «ەگەمەن قازاقستان» كىتاپحاناسى» سەرياسىمەن جارىق كورگەن ءابىش كەكىلباەۆتىڭ ء«داۋىر داۋىسى», تىلەكقابىل بورانعالي ۇلى­نىڭ «ەڭبەكشى قازاق» ان­دەرى» كىتاپتارىن تار­تۋ ەتتى.

ال دەپۋتاتتار رەداكتسيانىڭ شىعار­­ما­شىلىق, وندىرىستىك بولىم­دەرىنە كىرىپ, گازەت شىعارۋ ۇدەرىسىنىڭ قىر-سىرىنا قانىقتى.