اقمولا وبلىسىنىڭ استراحان اۋدانىندا قالقۇتان وزەنىنىڭ تاسۋىنا بايلانىستى ەسكى كولۋتون اۋىلىن سۋ باستى, دەپ حابارلايدى Egemen.kz.
قارعىن سۋ كوشەلەرگە جايىلعانىمەن, تۇرعىن ۇيلەردىڭ ىشىنە ەنبەگەن. قازىرگى تاڭدا 1000-نان استام قۇم قاپ توسەلىپ, 300 تەكشە مەتر سۋ سورىلىپ جاتىر.
اپات سالدارىنان اۋىلدان 21 ادام ەۆاكۋاتسيالانىپ, 100-دەن اسا ءىرى قارا مەن ۇساق مال قاۋىپسىز جەرگە كوشىرىلگەن.
سۋ تاسقىنى جاقسى اۋدانىنا دا زاردابىن تيگىزگەن. «استانا–اتباسار–جاقسى–رۋزاەۆكا–سارىكول–قوستاناي» باعىتىنداعى رەسپۋبليكالىق ماڭىزى بار تاس جولدى سۋ شايىپ كەتكەن.
توتەنشە جاعدايلار قىزمەتىنىڭ مالىمەتىنشە, ەسكەرتۋگە قاراماستان جولمەن وتپەك بولعان كولىكتى تاسقىن سۋ جيەگىنە اعىزىپ اكەتىپ, جۇرگىزۋشى كوز جۇمعان.
قازىرگى تاڭدا جاعداي باقىلاۋعا الىنعانىمەن, تۇرعىندارعا قاۋىپسىزدىك شارالارىن قاتاڭ ساقتاۋ ەسكەرتىلدى.