رەسپۋبليكالىق ماڭىزى بار اۆتوموبيل جولداردىڭ جيەگىنەن, جول بويىنداعى بەلدەۋلەردەن, دەمالىس الاڭدارى مەن اۆتوپاۆيلونداردان قوقىستاردى تازالاۋ قارقىندى جۇرگىزىلەدى. «قازاۆتوجول» ۇق» اق قىزمەتكەرلەرى بىلتىر جول بويىنان 700 مىڭ توننا قوقىس جيناعان, دەپ جازادى Egemen.kz.
جولشىلار تاۋلىگىنە شامامەن 2 500 توننا قوقىس جيناعان. تازارتىلعان اۋماقتىڭ جالپى اۋدانى شامامەن 400 ميلليون شارشى مەترگە جەتكەن.بۇل اۋقىمدى شارالار جول قوزعالىسى قاۋىپسىزدىگىن, جۇرگىزۋشىلەر مەن جولاۋشىلاردىڭ قولايلى قوزعالىسىن قامتاماسىز ەتۋگە, سونداي-اق وڭىرلەردەگى ەكولوگيالىق جاعدايدى جاقسارتۋعا باعىتتالعان.
ء«ار اۆتوكولىكتەن تاستالعان نەمەسە جول بويىنا قالدىرىلعان زاتتار جول قىزمەتىنە قوسىمشا جۇكتەمە ءتۇسىرىپ, قورشاعان ورتاعا زيان كەلتىرەتىنىن ەسكەرگەن ءجون.ء بىز قورشاعان ورتاعا ۇقىپتى قاراۋ ارقىلى جولداردىڭ تازالىعى مەن ءتارتىبىن ساقتاۋعا ۇلەس قوسامىز. قوقىستى تاستاماۋعا جانە تابيعاتتى ايالاۋعا شاقىرامىز», دەلىنگەن «قازاۆتوجول» ۇق» اق حابارلاماسىندا.