«ورتالىق ازيا – ەۋروپا وداعى» سامميتىنە قاتىسۋ ءۇشىن سامارقاند قالاسىنا كەلگەن قاسىم-جومارت توقاەۆ ەۋروپالىق كەڭەس پرەزيدەنتى انتونيۋ كوشتامەن كەزدەستى, دەپ حابارلايدى Egemen.kz اقورداعا سىلتەمە جاساپ.
اقوردانىڭ ءباسپاسوز قىزمەتىنىڭ جازۋىنشا, ەۋروپا وداعى – قازاقستاننىڭ ءىرى ساۋدا سەرىكتەسى ءارى شەتەلدىك ينۆەستورى: شەتەلدەن تارتىلعان تىكەلەي ينۆەستيتسيانىڭ 40%-دان استامى ەو-عا تيەسىلى; 2024 جىلى قازاقستان مەن ەۋروپا وداعىنا مۇشە ەلدەردىڭ تاۋار اينالىمى 50 ملرد دوللارعا جۋىقتاعان (ەو مەن وا اراسىنداعى ساۋدا كولەمىنىڭ 80%-ى).
«پرەزيدەنتتەر: ەكونوميكانىڭ ءتۇرلى سەكتورلارىنداعى كوپجوسپارلى ىنتىماقتاستىقتى ودان ءارى نىعايتۋ ماسەلەلەرىن قاراستىردى; ءوزارا سەنىمگە, ستراتەگيالىق مۇددەگە جانە ۇزاقمەرزىمدى پەرسپەكتيۆاعا نەگىزدەلگەن قازاقستان مەن ەۋروپالىق كەڭەس اراسىنداعى سەرىكتەستىكتى قارقىندى دامىتۋدىڭ ماڭىزىن اتادى», دەلىنگەن حابارلامادا.