اقش پرەزيدەنتى دونالد ترامپ ەلدەگى ساۋدا بالانسىنىڭ تاپشىلىعى ۇلتتىق قاۋىپسىزدىككە قاۋىپ توندىرگەنىن ايتىپ, ەلدە توتەنشە جاعداي رەجيمىن ەنگىزەتىنىن جاريالادى. بۇل تۋرالى ول شەتەلدەن اكەلىنەتىن بارلىق تاۋارعا باج سالىعىن ەنگىزۋ تۋرالى شەشىم قابىلداعان كەزدە مالىمدەدى, دەپ جازادى Egemen.kz.
ترامپتىڭ ايتۋىنشا, ساۋدا بالانسىنىڭ تاپشىلىعى اقش-تىڭ نەگىزگى ساۋدا سەرىكتەستەرىنىڭ ىشكى ەكونوميكالىق ساياساتى مەن جاھاندىق ساۋدا جۇيەسىندەگى قۇرىلىمدىق تەڭسىزدىكتەردەن تۋىندايدى.
باق مالىمەتىنشە, اقش-تىڭ ساۋدا بالانسىنىڭ تاپشىلىعى يمپورت پەن ەكسپورت اراسىنداعى ايىرماشىلىقتان قالىپتاسقان. رەسمي دەرەكتەر بويىنشا, 2024 جىلى ەلدە يمپورت كولەمى ەكسپورتتان 1,2 تريلليون دوللار ارتىق بولعان.