اقش رەسەي مەن بەلارۋستەن يمپورتتالاتىن تاۋارلارعا جاڭا باج سالىعىن ەنگىزگەن جوق, ويتكەنى بۇل ەلدەردەن اقش-قا ءونىم جەتكىزىلمەيدى. بۇل تۋرالى اقش قارجى ءمينيسترى سكوتت بەسسەنت مالىمدەدى, دەپ حابارلايدى Egemen.kz.
مينيستر باسقا مەملەكەتتەردى اقش-تىڭ تاريفتىك ساياساتىنا جاۋاپ رەتىندە قارسى شارالار قابىلداۋدان باس تارتۋعا شاقىردى. ونىڭ ايتۋىنشا, مۇنداي قادامدار ساۋدا قاتىناستارىنداعى شيەلەنىستى ودان ءارى ۋشىقتىرۋى مۇمكىن.
اق ءۇيدىڭ ءباسپاسوز حاتشىسى كارولين ليۆيتت تە رەسەي, بەلارۋس, كۋبا جانە سولتۇستىك كورەيانىڭ جاڭا تاريفتەر تىزىمىنە كىرمەگەنىن راستادى.
«بۇل ەلدەر قازىردىڭ وزىندە وتە جوعارى باج سالىعىنا تاپ بولىپ وتىر. بۇعان قوسا, بۇرىن ەنگىزىلگەن سانكتسيالار ولاردىڭ اقش-پەن ماعىنالى ساۋدا جاساۋىنا كەدەرگى كەلتىرىپ وتىر», دەدى ليۆيتت.
سونىمەن قاتار, ول رەسەيگە قوسىمشا سانكتسيالار ەنگىزىلۋى مۇمكىن ەكەنىن دە جوققا شىعارمادى.ەستەرىڭىزگە سالا كەتەيىك, 2 ساۋىردە اقش پرەزيدەنتى دونالد ترامپ 185 ەلدەن يمپورتتالاتىن تاۋارلارعا باج سالىعىن ەنگىزگەنىن جاريالادى. رەسەي مەن بەلارۋس بۇل تىزىمدە جوق, سەبەبى اقش بۇل ەلدەردەن ءونىم يمپورتتامايدى.