اعىلشىن تىلىنەن الدىنا جان سالمايدى

«KGL Contest» – بارلىق جاستاعى جانە ءتۇرلى دەڭگەيدەگى وقۋشىلاردىڭ اعىلشىن ءتىلىن قانشالىقتى مەڭگەرگەنىن انىقتاۋعا ارنالعان جالعىز حالىقارالىق وليمپيادا ( ۇلىبريتانيا). ونىڭ ەرەك­شەلىگى – ءتۇرلى ەلدىڭ بالالارى تەستتى ءبىر كۇندە تاپسى­رىپ, سىناق سۇراقتارىنا قا­تى­سۋشىنىڭ جاسى مەن شەت ءتىلىن ءبىلۋ دەڭگەيىنە ساي­كەس قۇراستىرىلعانىندا. وليم­پيادا ەكى كەزەڭنەن تۇرادى: العاشقىسى بيىل 15 اقپاندا ءوتىپ, وقۋشىلار تەست تالابىنا ساي سۇراقتىڭ دۇرىس جاۋابىن بەلگىلەدى. Pre A1 جانە ا1 دەڭگەيىنىڭ قاتىسۋشىلارىنا 45 مينۋت بەرىلسە, اعىلشىن ءتىلىن جوعارى – ۆ1 جانە ۆ2 دەڭگەيىندە بىلەتىندەرگە جاۋاپ بەرۋگە 60 مينۋت ءبولىندى. ءبىرىنشى كەزەڭنىڭ ناتيجەسى بويىنشا وليمپياداعا ەلىمىزدەن قاتىسقان 2 691 بالانىڭ 530-ى 90%-دىق مەجەلى دەڭگەيدى ەڭسەرىپ, ەكىنشى تۋرعا جولداما الدى. ناۋرىز مەرەكەسى قار­ساڭىندا – 15 ناۋرىزدا ولار وقۋدى, اۋديو تىڭداۋدى جانە جازۋدى تەكسەرۋدەن تۇ­راتىن ۇزاقتىعى 60-90 مينۋتتىق ەكىن­شى تەستتى تاپسىردى. «KGL Contest»-ءتىڭ بري­تان­دىق باس كەڭسەسى شەشۋشى كەزەڭنىڭ ناتيجە­سىن الداعى ءساۋىر ايىندا جاريالايدى.  

– «KGL Contest» حالىقارا­لىق وليم­پيا­داسىنىڭ ەكىنشى كەزەڭىنە وتكەن 530 وقۋشى مەجەدەن وتۋگە جول اشاتىن 90% ۇپاي جينادى. انىعىن ايتساق, سونىڭ ىشىن­دە 25 بالا­نىڭ دەڭگەيى – Pre A1, 78 بالا­نىكى – ا1, 144 بالا اعىلشىن ءتىلىن ا2 دەڭ­گەيىندە مەڭگەرگەن, ال 151 بالانىكى – ۆ1 جانە 132 بالانىڭ دەڭگەيى – ۆ2. اي­ماق­­تاردى سالىستىرساق, ەكىنشى كەزەڭنىڭ مەجەسىنەن وتكەندەردىڭ سانى جاعىنان كوش باستاعاندار الماتى قالاسى مەن قىزىلوردا وبلىسى – سايكەسىنشە, جالپى وليمپياداعا قاتىسقانداردىڭ 412 جانە 42 وقۋشىسىن قۇرا­عان. سەبەبى اتالعان وڭىر­لەر وتە بەلسەندى اتسالىسىپ, الماتىدان 2 038 جانە قى­زىلوردا وبلىسىنان 303 ادام تىركەلدى, – دەيدى دەرەك­پەن بولىسكەن «EDU Stream» حالىقارالىق ءتىل اكادەميا­سىنىڭ باس ديرەكتورى ناتاليا مۇحامەدجانوۆا.

قاتىسۋشى ءار توپقا جاۋاپتى سۋپەرۆايزەر بەكىتىل­گەن. وليمپيادانى ۇيىم­داستىرۋ ءراسىمىن ءبىر كۇنگە ۇلى­بريتانياداعى باس كەڭسە بەكىتكەن, سۇراقتاردى جاريالاۋ, تەست تاپسىرۋ جانە ناتي­جەسىن جيناپ, جاپسىرىپ «KGL Contest»-كە جىبەرۋ سەكىلدى قاتاڭ ەرەجە بويىنشا وتكىزىلدى. سودان سوڭ بالانىڭ ءبىلىمى ادامنىڭ قاتىسۋىنسىز اقپاراتتى جيناۋمەن اينالىساتىن جۇيە نەگىزىندە انىقتادى. 

– حالىقارالىق وليمپيا­دانىڭ ءبىرىنشى كەزەڭىندەگى ناتيجەسىنىڭ ەڭ جاعىمدى تۇسى – جاس ۇرپاقتىڭ اعىلشىن ءتىلىن بىزگە, ەرەسەكتەرگە قاراعاندا اكادەميالىق دەڭگەيدە تازا مەڭ­گەرگەنى. توعىز جىل بۇ­رىن ەلىمىزدە ورتا ءبىلىم سالاسىندا جاڭارتىلعان وقۋ باعدارلاماسىن ەنگىزگەندە اعىلشىن ءتىلىنىڭ وقۋ-ادىستە­مەلىك كەشەنىن ازىرلەۋشىلەرگە قويىلعان باستى تالاپ, وقۋ­شى­لاردىڭ شەت ءتىلىن B2 كورسەتكىشىنە – ورتاشادان جوعارىعا جەتكىزۋ بولاتىن. «KGL Contest»-ءتىڭ العاشقى كەزەڭىنىڭ بۇگىنگى ناتيجەسىنە قاراپ, دىتتەگەن ماقساتقا قول جەتكىزدىك دەپ نىق سەنىممەن ايتا الامىز, – دەيدى ناتاليا مۇحامەدجانوۆا.

قازاقستان وقۋشىلارىنىڭ اعىلشىن ءتىلىن قانشالىقتى مەڭگەرگەنىن تەكسەرەتىن بولساق, «KGL Contest» حالىقارالىق وليمپياداسىنىڭ وسى ناتي­جەلەرىن نەگىزگە العان دۇرىس, دەيدى وتاندىق مەكتەپتەرگە اعىلشىنمەن قاتار نەمىس, فرانتسۋز جانە ورىس ءتىلى پاندە­رىنىڭ وقۋلىعىن ازىرلەگەن ماماندار – «EDU Stream» ساراپشىلارى. نەگە دەسەڭىز, تەستتەگى دەرەك ايقىن: سۇراقتار بالانىڭ جاسى مەن شەت ءتىلىن ءبىلۋ دەڭگەيىنە شاقتالعان, كىم جانە قاي جاقتان تاپسىر­عانى جانە سۇراقتار قالاي قۇ­راستىرىلعانى تۋرالى ناقتى اقپارات جانە تاعى باسقا تالاپتارى ايقىندالعان. ايتا كەتۋ كەرەك, «EDU Stream» – بريتاندىق «Express Pub­lishing» باسپاسىنىڭ ەلى­مىز­دەگى ەكسكليۋزيۆتى وكىلى. قازاق­ستان مەكتەپتەرىنىڭ 70% اعىل­شىن ءتىلىن وقۋ-اعارتۋ مينيس­تر­­­لىگىنىڭ جاڭارتىلعان ءبىلىم بەرۋ مازمۇنى باعدارلا­ما­سى­نا سايكەس «Express Publishing» ازىرلەگەن وقۋ-ادىستەمەلىك كىتاپتارى بويىنشا وقيدى. 

ەكىنشى كەزەڭ جەڭىمپاز­دارىن «KGL Contest» حالىق­ارالىق وليمپياداسى 4 كاتەگوريا بويىنشا – ا1 دەڭگەيىنىڭ جەڭىمپازى, ا2 دەڭگەيىنىڭ جەڭىمپازى, ۆ1 دەڭگەيىنىڭ جەڭىمپازى جانە ۆ2 دەڭگەيىنىڭ جەڭىمپازى دەپ اعىلشىن ءتىلىن مەڭگەرۋدىڭ الەمدىك ستاندارتىنا ساي انىقتايدى. ۇزدىكتەر ىشىنەن وق بويى وزعانداردى ماراپاتتاۋ ءراسىمى افينادا – «KGL Contest»-ءتىڭ ايماقتاعى كەڭسەسىندە وتەدى. ەكىنشى تۋردا قازاقستان وقۋشىلارى جەڭىسكە جەتسە, «EDU Stream» حالىقارالىق ءتىل اكادەميا­سى ەڭ ۇزدىك وتانداستارىمىزدى افيناعا ءوز قاراجاتىنا الىپ بارماق.    

الماتى