ميانماداعى جويقىن جەر سىلكىنىسىنەن كەيىن بەس كۇن وتكەندە, ەل استاناسى نەيپيدوداعى قوناقۇيدىڭ ۇيىندىلەرى استىنان 26 جاستاعى ەر ادام امان-ەسەن قۇتقارىلعان. بۇل قۇتقارۋ وپەراتسياسىن ميانما مەن تۇركيانىڭ قۇتقارۋشىلارى بىرلەسىپ جۇزەگە اسىردى, دەپ حابارلايدى Egemen.kz.
جەر سىلكىنىسى سالدارىنان قازا تاپقاندار سانى 2 700-دەن اسىپ, بۇل كورسەتكىشتىڭ 3 000-نان اسۋى مۇمكىن دەپ بولجانعان.
ايتا كەتەيىك, ءزىلزالادان ەڭ كوپ زارداپ شەككەن ايماقتار – ماندالاي جانە ساگاين قالالارى. امان قالعاندار كوشەدە تۇنەۋگە ءماجبۇر بولعان.
جەرگىلىكتى بيلىكتىڭ حابارلاۋىنشا, قيراعان عيماراتتاردىڭ استىندا قالعان مايىتتەردىڭ جاعىمسىز ءيىسى بۇكىل اپات ايماعىنا تارالعان. سونىمەن قاتار وڭىردە سۋ, ازىق-ت ۇلىك جانە ءدارى-دارمەك جەتىسپەۋشىلىگى بايقالعان.
قۇتقارۋ جۇمىستارى ءالى دە جالعاسىپ جاتىر, الايدا ۋاقىت وتكەن سايىن ءتىرى قالعانداردى تابۋ مۇمكىندىگى ازايىپ كەلەدى. حالىقارالىق ۇيىمدار مەن جەرگىلىكتى بيلىك زارداپ شەككەندەرگە قولدان كەلگەن كومەكتى كورسەتىپ جاتىر.