پەتروپاۆل ماڭىنداعى «چەليابى – ءنوۆوسىبىر» حالىقارالىق اۆتوجولىنىڭ ءبىر بولىگىن سۋ باستى. تاسقىن سالدارىنان كەشە ساعات 22:00-دە اتالعان جول ۋچاسكەسىندە بارلىق كولىك تۇرلەرىنىڭ قوزعالىسىنا شەكتەۋ قويىلدى, دەپ حابارلايدى Egemen.kz.
جول قوزعالىسىن رەتتەۋ ءۇشىن جەڭىل اۆتوكولىكتەر قالانىڭ ىشكى جولدارى ارقىلى اينالىپ وتە الادى. ال جۇك كولىكتەرىنە «پەتەرفەلد – ارحانگەلكا – نوۆوكامەنكا» باعىتىمەن جۇرۋگە رۇقسات بەرىلگەن.
سونىمەن قاتار سولتۇستىك قازاقستاندا سۋ تاسقىنى كۇشەيدى. ايماقتا ەسىل وزەنى مەن شاعىن وزەندەردەگى سۋ دەڭگەيى كوتەرىلىپ جاتىر.
«قازگيدرومەت» مالىمەتىنشە, توقسان بي اۋىلىندا ەسىل وزەنى ءبىر تاۋلىكتە 171 سم-گە كوتەرىلگەن (قاۋىپتى دەڭگەيگە جەتۋ ءۇشىن تاعى 1000 سم كەرەك). ال كرەششەنكا اۋىلىندا سۋ دەڭگەيى 56 سم-گە, سەرگەەۆكا ماڭىندا 45 سم-گە كوتەرىلدى. سونداي-اق پەتروپاۆل سۋ قويماسىندا سۋ دەڭگەيى ءبىر تاۋلىكتە 10 سم-گە ارتتى.
قازىرگى ۋاقىتتا سۋ تاسقىنىنا قارسى ماماندار تاۋلىك بويى كەزەكشىلىك جۇمىستارىن جۇرگىزىپ جاتىر. جاعداي باقىلاۋدا, بىراق سۋ دەڭگەيى ءالى دە ءوسىپ كەلەدى.