پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ ەلىمىزگە جۇمىس ساپارىمەن كەلگەن ەۋروپالىق وداقتىڭ ورتالىق ازيا جونىندەگى ارنايى وكىلى ەدۋاردس ستيپرايستى قابىلدادى.
كەزدەسۋ بارىسىندا تاراپتار قازاقستان مەن ەۋروپالىق وداق اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمدى ىسكە اسىرۋ, ەكونوميكالىق بايلانىستاردى نىعايتۋ, ينۆەستيتسيالىق ءوزارا ءىس-قيمىل جانە وڭىرلىك قاۋىپسىزدىك تاقىرىبىن قوسا العاندا, ەكىجاقتى جانە وڭىرلىك ىنتىماقتاستىقتىڭ كەڭ اۋقىمدى ماسەلەلەرىن تالقىلادى.
تاراپتار ورتالىق ازياعا ارنالعان ەو ستراتەگياسى اياسىندا ديالوگتى جالعاستىرۋدىڭ جانە ورنىقتى دامۋ, تسيفرلاندىرۋ مەن كليماتتىق كۇن ءتارتىبى سالاسىنداعى بىرلەسكەن باستامالاردى ىسكە اسىرۋدىڭ ماڭىزدىلىعىن اتاپ ءوتتى. جاسىل ترانسفورماتسيا جانە ءوڭىردىڭ ەۋروپالىق وداقپەن كولىك-لوگيستيكالىق بايلانىستىلىعى ماسەلەلەرىنە ەرەكشە نازار اۋدارىلدى. وسى تۇرعىدا ترانسكاسپي حالىقارالىق كولىك ءدالىزىن دامىتۋعا باعىتتالعان جوبالاردى ىسكە اسىرۋدىڭ وزەكتىلىگى باسا ايتىلدى.
قازاقستان سىرتقى ساياسي ۆەدومستۆوسىنىڭ باسشىسى ەۋرووداقپەن سەرىكتەستىكتى تەرەڭدەتۋگە بەيىلدىلىگىن راستاي وتىرىپ, وسى اپتادا سامارقاندتا وتەتىن «ورتالىق ازيا – ەۋروپالىق وداق» ءسامميتىنىڭ ماڭىزىنا نازار اۋداردى.
ءوز كەزەگىندە ە.ستيپرايس قازاقستان مەن ەو اراسىنداعى ءوزارا ءىس-قيمىلدىڭ قارقىندى دامۋىن جوعارى باعالاپ, وڭىرارالىق ىنتىماقتاستىقتى دامىتۋدا, ماڭىزدى ينفراقۇرىلىمدىق ءارى ەكونوميكالىق جوبالاردى ىسكە اسىرۋدا ەلىمىزدىڭ جەتەكشى ءرولىن اتاپ ءوتتى.
كەزدەسۋ قورىتىندىسى بويىنشا تاراپتار ەكىجاقتى جانە وڭىرلىك كۇن تارتىبىندەگى بارلىق وزەكتى ماسەلە بويىنشا سىندارلى ديالوگتى جالعاستىرۋعا ۋاعدالاستى.
ەلىمىزدىڭ نەگىزگى ساۋدا جانە ينۆەستيتسيالىق سەرىكتەسى بولىپ وتىرعان قازاقستان مەن ەۋروپالىق وداق اراسىنداعى قارىم-قاتىناس ءوزىنىڭ تيىمدىلىگىن كورسەتىپ كەلەدى. وتكەن جىلى قازاقستان مەن ەو اراسىنداعى تاۋار اينالىمى 49,7 ملرد اقش دوللارىن قۇرادى (+16,9%), ونىڭ ىشىندە قازاقستاننىڭ ەو-عا ەكسپورتى – 38,6 ملرد دوللار, يمپورتى – 11,1 ملرد دوللار.
2005 جىلدان 2024 جىلعى 9 ايعا دەيىنگى كەزەڭدە ەو ەلدەرىنەن قازاقستانعا تىكەلەي تارتىلعان ينۆەستيتسيالاردىڭ جالپى كولەمى 200,7 ملرد دوللاردى قۇرادى. بۇل ەلىمىزگە قۇيىلعان بارلىق تىكەلەي شەتەلدىك ينۆەستيتسيالاردىڭ (419,5 ملرد دوللار) 47,8%-ىن قۇرايدى. بىلتىرعى 9 ايدا ەو-دان ەلىمىزگە تىكەلەي ينۆەستيتسيالار كولەمى 6,4 ملرد دوللار نەمەسە جالپى كولەمنىڭ 50,4%-ىن قۇرادى. قازاقستاندا ەۋروپالىق كاپيتالدىڭ قاتىسۋىمەن 3 مىڭنان اسا كومپانيا جۇمىس ىستەپ جاتىر.