سارساڭعا تۇسكەن ساياجاي تۇرعىندارى

مۇنايلى شاھارعا جاقىن ورنالاسقان «رەچنيك», «رىبنيك», «حيميك», «گيدروتەحنيك» باۋ-باق­شا قوعامداستىعىنداعى سايا­جايلاردىڭ تۇرعىندارى باس­پاناسىن جەكە تۇرعىن ءۇي سەكتورىنا اۋىستىرۋدى سۇراپ ءجۇر. تۇرعىنداردىڭ شاعىمى ساياجاي­لار اۋماعىندا جول سالىن­باعا­نىنا, ەلەكتر ەنەرگياسىنىڭ قىم­باتتىعىنا بايلانىستى تۋىن­داعان. ساياجايلاردى مەكەندەگەن تۇرعىنداردىڭ وسىنداي تۇيتكىلگە بايلانىستى جانايقايى وبلىس اسىپ, پرەمەر-ءمينيستردىڭ ءبىرىنشى ورىنباسارى رومان سكليار­عا جەتتى.

«رىبنيك» باۋ-باقشا قوعام­داس­تىعىنىڭ تۇرعىنى قايىرجان ورازعاليەۆتىڭ ايتۋىنشا, جەر­گىلىكتى اتقارۋشى ورگان وكىلدەرى ماسەلەنى شەشۋگە ق ۇلىق تانىتپاي وتىر. جولدىڭ جوقتىعى ابدەن شارشاتقان. «جەرگىلىكتى اكىمدىكتىڭ ماسەلەنى شەشىپ بە­رەمىز دەگەنىنە ءبىراز جىل ءوتتى. تۇرعىن ۇيلەرىنىڭىز جەكە سەكتورعا اۋىستىرىلادى دەگەن ۋادەسى دە ورىندالماي كەلەدى», دەيدى ق.وراز­عاليەۆ.

ءساليما يزگيەۆانىڭ ايتۋىنا قاراعاندا, كۇيەۋىنىڭ ءبىرىنشى ساناتتاعى مۇگەدەكتىگى بار. ەم­حاناعا اپارۋعا شاقىرتقان ينۆاتاكسي ۇيىنە دەيىن كەلمەيدى. «ويت­كەنى كوشەمىزدەگى جول كولىكتىڭ جۇرۋىنە جارامايدى. سول سەبەپتەن ينۆاتاكسي دە, جەدەل جاردەم كولىگى دە كوشەمىزگە وتە المايدى. كۇيەۋىمدى تراسساعا دەيىن ارباسىمەن ءوزىم يتەرىپ بارامىن, ءۇي ماڭىندا سەرۋەندەتە دە المايمىن. جاڭبىر جاۋعان كەزدە باتپاقپەن ءجۇرۋ تىپتەن قيىن», دەيدى س.يزگيەۆا.

ساياجايدا جاياۋ جۇرگىنشىلەرگە ارنالعان جول جوق. سوندىقتان تۇرعىنداردىڭ ءبارى كولىك جولىمەن جۇرەدى. اتا-انالار بالالارىنىڭ قاۋىپسىزدىگىنە الاڭدايدى. ء«بىز قالا­دا جوندەلگەن جولدان الىن­عان اسفالت­­تىڭ قالدىعىن كوشەگە توسەۋ­­گە ۇسىنىس ايتىپ ەدىك. الاي­دا وعان رۇقسات بەرىلمەي كەلەدى. سايا­جاي تۇرعىندارى ونى ءوز قار­جى­­سىنا ساتىپ الادى», دەيدى ق.وراز­عاليەۆ.

اتىراۋ وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ەرجان حاينوللاەۆ مۇنداي دەرەكتىڭ بارىن جوققا شىعارمادى. ءتىپتى شەنەۋنىكتەر تۇرعىنداردىڭ ەسكى اسفالتتىڭ قالدىعىن ساتىپ الاتىنىنان حاباردار بولىپ شىقتى.

«ەسكى اسفالتتىڭ قالدىعىن جەكە يەلىگىندە جۇك كولىگى بار ادام­دار تاسىمالدايدى. بىراق ولاردى ۇدايى باقىلاۋ مۇمكىن ەمەس. وتكەن جىلى تۇرعىنداردىڭ وسىن­­داي دەرەككە بايلانىستى شا­عىمى تەكسەرىلدى. فرەزانى سات­قان كولىك جۇرگىزۋشىسى جۇ­مىس­تان شىعا­رىلدى. ال فرەزانى بار­لىق ساياجايداعى كوشەگە توسەۋ مۇم­كىندىگى جوق. تۇرعىندار ما­ڭىزدى كوشەلەردىڭ ءتىزىمىن جاساپ بەرسە, سوعان اسفالت قال­دى­­عىن توسەۋگە بولادى», دەيدى ە.حاينوللاەۆ.

«اتىراۋ-جارىق» اق پرەزي­دەنتىنىڭ ورىنباسارى تۇرلان دوشاتوۆتىڭ پىكىرىنشە, باۋ-باقشا قوعامداستىعىنا ەلەكتر ەنەرگياسى تەحنيكالىق شارتقا سايكەس بەرىلىپ وتىر. الايدا ءار تۇرعىنمەن جەكە كەلىسىمشارت جاسالماعان.

«مۇندا تۇرعىن ۇيلەر جەكە سەك­تورعا جاتقىزىلماعان. سول سەبەپتەن كەلىسىمشارت قوعام­داس­تىقتىڭ تور­­اعاسىمەن عانا جاسالادى. تۇر­عىن­­­دار تۇتىنعان ەلەكتر ەنەر­گيا­سى­­نىڭ كورسەتكىشى ورتاق ترانسفورماتور­دان الىنادى», دەيدى ت.دوشاتوۆ.

اتىراۋ قالاسى اكىمىنىڭ ورىنباسارى مەيىرجان مۇقا­سوۆتىڭ مالىمەتىنشە, «قازاقستان» سايا­جاي جانە باۋ-باقشا شارۋا­شى­لىق­تارىن دامىتۋ جونىندەگى 2024–2026 جىلدارعا ارنالعان جول كارتاسى اياسىندا اتىراۋ وبلىسىن­دا جۇمىس توبىنىڭ قۇرامى بەكىتىلگەن, جوس­پارى جاسالعان.

«بيىل ساياجايلارداعى ترانسفورماتورلاردى «اتىراۋ-جارىق» اق-نىڭ بالانسىنا بەرۋ كوزدەلگەن. سول كەزدە ەلەكتر ەنەرگياسىمەن قام­­تۋ, ءتاريفتى رەتتەۋ ماسەلەسى شەشى­مىن تابادى», دەيدى قالا اكىمى­نىڭ ورىنباسارى.

ونىڭ دەرەگىنە قاراعاندا, اتىراۋ قالاسىنىڭ ماڭىنداعى 45 باۋ-باقشا قوعامداستىعىنىڭ الابىندا 15 مىڭنان استام تۇرعىن تىركەلگەن. قازىر اكىمدىك تاراپىنان تۇگەندەۋ جۇمىسى جۇرگىزىلىپ جاتىر. سونىڭ قورىتىندىسىمەن مالىمەتتەر تاعى جاڭارتىلادى. سايا­­جاي­لارداعى تۇرعىن ۇيلەردى جەكە سەكتور ساناتىنا جاتقىزۋ ءۇشىن اتى­راۋ قالاسىنىڭ باس جوس­پا­رىنا وزگەرىس ەنگىزۋ قاجەت. باس جو­سپار ۇكىمەتتىڭ 2016 جىلعى 29 قارا­­شاداعى №749 قاۋلىسىمەن بەكىتىلگەن.

«باس جوسپارعا وزگەرىس ەنگىزۋگە قاتىستى اتىراۋ وبلىستىق قۇرى­لىس, ساۋلەت جانە قالا قۇرىلىسى باسقار­ماسىمەن بىرلەسكەن جۇ­مىس­تار­دى اتقارۋ قولعا الىندى. شاھار­­­­دىڭ قايتا جاساقتالعان باس جوس­­پا­رىن ۇكىمەت قاۋلىسىمەن وسى جىل­دىڭ جەلتوقسان ايىندا بەكى­تۋ جوس­پار­لانىپ وتىر. وسى تەتىك­تەر ىسكە اسىرىلعاننان كەيىن عانا سايا­جاي القاپتارىنا قاجەتتى ينجە­نەر­لىك ينفراقۇرىلىمنىڭ ءبارىن تارتۋ مۇمكىندىگى قارالادى. اتىراۋ قالالىق ساۋلەت, قۇرىلىس جانە جەر قاتىناستارى ءبولىمى قولعا العان تۇگەندەۋ جونىندەگى جۇمىستى جەدەلدەتۋگە تاپسىرما بەرىلدى. ينفرا­­قۇرىلىم سا­لۋعا قاجەت جوبا­­لىق-سمەتالىق قۇجات­تامانى جەدەل باستاۋ, قالا جولدارىنا قۇرى­لىس-مونتاج جۇمىستارىن جاساق­تاۋ كەزىندەگى بوساعان فرەزانى تاپسىرىسقا سايكەس ءبولۋ جوس­پارلانادى», دەيدى م.مۇقاسوۆ.

اتىراۋ وبلىسى