مانەرلەپ سىرعاناۋدان اقش-تىڭ بوستون قالاسىندا ءوتىپ جاتقان الەم چەمپيوناتىن سوفيا سامودەلكينا (117,78 ۇپاي) 14 ورىنمەن قورىتىندىلادى, دەپ حابارلايدى Egemen.kz.
ول جەڭىس تۇعىرىنا ماڭايلاي الماسا دا, وسى ناتيجەسىنىڭ ارقاسىندا وليمپيا ويىندارىنا قاتىسۋشىلاردىڭ تىزىمىنە قوسىلدى. 18 جاستاعى سپورتشى ءۇشىن وسىنىڭ ءوزى از تابىس ەمەس. ال ۇزدىك شىققان سىرعاناۋشىلار جايىندا ايتار بولساق, اقش ارۋى اليسا ليۋ (222,97) الدىنا جان سالمادى. ول وسىدان ءۇش جىل بۇرىن مونپەلەدەگى الەم چەمپيوناتىندا قولا مەدالدى يەلەنگەننەن كەيىن ۇلكەن سپورتپەن قوش ايتىسقان ەدى. سودان مۇز ايدىنىنا قايتا ورالىپ, كۇنى كەشە عانا تورتكۇل دۇنيەنىڭ تەڭدەسسىزى دەپ تانىلدى. كۇمىس پەن قولا مەدالدى جاپونيانىڭ قوس جۇلدىزى – بەيجىڭ وليمپيداسىنىڭ قولا جانە كوماندالىق سايىستاعى كۇمىس جۇلدەگەرى, الەمنىڭ ءۇش دۇركىن چەمپيونى, ازيا ويىندارىنىڭ جەڭىمپازى, جاپونيالىق كاوري ساكاموتو (217,98) مەن ء«تورت قۇرلىق تۋرنيرىندە» توپ جارعان مونە تيبا (215,24) ەنشىلەدى.
ال قىسقا باعدارلامادا ءۇشىنشى ورىندى يەلەنگەن ميحايل شايدوروۆ ەرتەڭ سايىسقا تۇسەدى. ەستەرىڭىزگە سالا كەتەيىك, جاتتىعۋدىڭ العاشقى تۇرىندە 94,77 ۇپاي جيىپ, جەرلەسىمىز تەك امەريكالىق يليا مالينين (110,41 ۇپاي) مەن جاپونيالىق يۋما كاگيامادان (107,09) قالىپ قويدى.