مينيسترلىك ەلىمىزدىڭ سۋ قويمالارىنداعى جاعداي تۋرالى باياندادى

مينيسترلىك تاسقىن سۋىن قابىلداۋ جانە قاۋىپسىز وتكىزۋ ءۇشىن ەلىمىزدىڭ سولتۇستىك, باتىس, شىعىس جانە ورتالىق ايماقتارىنداعى ءىرى سۋ قويمالارىنان سۋ جىبەرىپ جاتىر. 

31 ناۋرىز كۇنگى ايماقتار بويىنشا سۋ جىبەرۋ كولەمى كەلەسىدەي:

اقمولا وبلىسىندا استانا جانە شاعالالى سۋ قويمالارىنان سەكۋندىنا 1,5 تەكشە مەتر, سىلەتى سۋ قويماسىنان 81,74 تەكشە مەتر; اقتوبە وبلىسىنداعى اقتوبە سۋ قويماسىنان سەكۋندىنا 10 تەكشە مەتر, قارعالى سۋ قويماسىنان سەكۋندىنا 2 تەكشە مەتردەن سۋ جىبەرىلىپ جاتىر. بىلتىر رەكونسترۋكتسيا جاسالعان ەكى سۋ قويماسى بەلسەندى سۋ جيناپ جاتىر. بۇگىنگى تاڭدا ەكى نىسان ورتا ەسەپپەن 69%-عا تولى. شىعىس قازاقستان وبلىسىندا بۇقتىرما سۋ قويماسىنان سەكۋندىنا 650 تەكشە مەتر, ال, وسكەمەن سۋ قويماسىنان 450 تەكشە مەتر; اباي وبلىسىنداعى ءشۇلبى سۋ قويماسىنان سەكۋندىنا 750 تەكشە مەتر; باتىس قازاقستان وبلىسىندا كيروۆ سۋ قويماسىنان سەكۋندىنا 17 تەكشە مەتر, بىتىك سۋ قويماسىنان سەكۋندىنا 28 تەكشە مەتر, دوڭگەلەك سۋ قويمالارىنان سەكۋندىنا 4 تەكشە مەتر جانە پياتيمار سۋ قويماسىنان سەكۋندىنا 1 تەكشە مەتردەن سۋ; قاراعاندى وبلىسىندا ىنتىماق سۋ قويماسىنان سەكۋندىنا 8 تەكشە مەتر, سامارقاند سۋ قويماسىنان 5 تەكشە مەتر سۋ; ۇلىتاۋ وبلىسى كەڭگىر سۋ قويماسىنان سەكۋندىنا 4,86 تەكشە مەتر; قوستاناي وبلىسىندا جوعارعى توبىل سۋ قويماسىنان سەكۋندىنا 1,1 تەكشە مەتر, قاراتومار سۋ قويماسىنان سەكۋندىنا 3 تەكشە مەتردەن سۋ جىبەرىلۋدە. قازىر ەكى نىسان دا بەلسەندى سۋ جيناۋدا, ورتا ەسەپپەن 69%-عا تولدى. سولتۇستىك قازاقستان وبلىسىندا سەرگەەۆ سۋ قويماسىنان سەكۋندىنا 450,4 تەكشە مەتر, پەتروپاۆل سۋ قويماسىنان 640 تەكشە مەتر سۋ.