جامبىل وبلىسىنا كەلگەن قازاقستان تجم سەيسمولوگيالىق بايقاۋ جانە زەرتتەۋ ۇلتتىق عىلىمي ورتالىعىنىڭ ماماندارى سەيسميكالىق جاعدايدى ەگجەي-تەگجەيلى مونيتورينگىلەۋ مەن تالداۋدى جالعاستىرۋدا, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
سەيسمولوگيالىق ستانتسيالار جەلىسى مەركى اۋدانىندا ەپيورتالىق ايماعىندا ورنالاستىرىلعان. تريانگۋلياتسيا ادىسىمەن جۇمىس ىستەيتىن ءۇش قوسىمشا جىلجىمالى ستانتسيا ورناتىلدى. ولار ەپيورتالىقتان 30-80 كم راديۋستا: جەر قىرتىسىنىڭ قوزعالىسىن, جەر استى ميكرودۇمپۋلەردى جانە جەر استى شۋلاردى انىقتايدى.
بۇل دەرەكتەر ىقتيمال افتەرشوك بەلسەندىلىگىن ەگجەي-تەگجەيلى زەرتتەۋگە جانە ىقتيمال تاۋەكەلدەردى باعالاۋعا مۇمكىندىك بەرەدى.
جينالعان دەرەكتەر جەدەل رەجيمدە سەيسميكالىق جاعدايدى باعالاۋ جونىندەگى كوميسسيانىڭ تالداۋى مەن جۇمىسى ءۇشىن ورتالىق سەيسميكالىق وبسەرۆاتورياعا بەرىلەدى. ناتيجەسىندە قورىتىندى دايىندالىپ, قازاقستان تجم كوماندالىق ورتالىعىنا جىبەرىلەدى. بۇل ناقتى ۋاقىت رەجيمىندە جاعدايدى تالداۋعا جانە حالىقتىڭ قاۋىپسىزدىگىن قامتاماسىز ەتۋ ءۇشىن قاجەتتى شارالاردى قابىلداۋعا مۇمكىندىك بەرەدى.
«قازىرگى ۋاقىتتا جامبىل وبلىسىندا تجم سبزعو 9 سەيسمولوگيالىق ستانتسياسى جۇمىس ىستەيدى, ولاردىڭ ءبىرى – كەشەندى, بىرنەشە پارامەترلەردى تالداۋ مۇمكىندىگى بار. قوسىمشا ستانتسيالار باقىلاۋ دالدىگىن جاقسارتادى جانە سەيسميكالىق بەلسەندىلىكتىڭ وزگەرۋىنە جەدەل دەن قويۋعا كومەكتەسەدى», - دەلىنگەن حابارلامادا.