2025 جىلدىڭ العاشقى الەم چەمپيوندارى انىقتالدى

20-28 ناۋرىزدا ۆرنياچكا-بانيا قالاسىندا (سەربيا) شاحماتتان مەكتەپ وقۋشىلارى اراسىنداعى 2025 جىلعى الەم چەمپيوناتى (FIDE World School Chess Championships 2025) ءوتتى.

Zepter Hotel Vrnjacka Banja قوناق ءۇيىنىڭ كونفەرەنتس-زالىندا 44 ەلدەن كەلگەن 470 قاتىسۋشى, سونىڭ ىشىندە بالالار-جاسوسپىرىمدەر قۇراماسىنىڭ باس جاتتىقتىرۋشىسى, گروسسمەيستەر ەۆگەني ۆلاديميروۆتىڭ «قاراۋىمەن» قازاقستاننىڭ 40 جاس شاحماتشىسى 9 كۇن بويى باق سىناستى. وسى ورايدا شۆەيتساريالىق جۇيە بويىنشا 90+30 كلاسسيكالىق ۋاقىت باقىلاۋى جاسالاتىن ء(بىر پارتياعا 90 مينۋت بەرىلىپ, ءار جاسالعان ءجۇرىس ءۇشىن بىرىنشىدەن باستاپ 30 سەكۋند قوسىلادى), 9 تۋردان تۇراتىن اسا قيىن جولدى ەش مۇدىرمەي ەڭسەرۋ ءبارىنىڭ قولىنان كەلە بەرمەيتىنى انىق.

قازاقستان شاحماتشىلارىنىڭ اراسىندا ءبىرىنشى بولىپ استانالىق 7 جاسار ابدۋل-مالىك قايرات 2025 جىلعى الەم چەمپيونى اتاندى – ونىڭ چەمپيون بولاتىنى مەرزىمىنەن بۇرىن, مارەگە ءبىر تۋر قالعاندا انىق ەدى. سوعان قاراماستان, ول سوڭعى تۋردا دا جەڭىسكە جەتۋدى ماقسات قويىپ, اقىرىندا 9 پارتيانىڭ بارىندە دە جەڭىمپاز اتاندى!

ال ونىڭ جەرلەسى اليشا بيساليەۆانىڭ (9 جاسقا دەيىنگىلەر ساناتى) سوڭعى تۋردا مىندەتتى تۇردە جەڭىسكە جەتۋى كەرەك ەدى: وسى جاعدايدا عانا ونىڭ موڭعول ويىنشىسى شاگدارسۋرەن ۋرانزايانىڭ قانداي ناتيجەگە جەتەتىنىنە ەش الاڭداماۋىنا بولاتىن, ويتكەنى ولاردىڭ جەكە كەزدەسۋىندە اليشا باسىم تۇسكەن. سونىمەن, ءبىزدىڭ شاحماتشى قىزىمىز جەڭىسكە جەتتى!

سوڭعى تۋرعا دەيىن جەكە-دارا كوش باستاعان استانالىق ءالىمجان جاۋىنباي (11 جاسقا دەيىنگىلەر) مەن الماتىلىق ارتيوم بوگدانوۆتىڭ (17 جاسقا دەيىنگىلەر) قوسىمشا كورسەتكىش – جەكە كەزدەسۋ ناتيجەلەرى مەن قىسقارتىلعان بۋحگولتس كوەففيتسيەنتىنىڭ وزدەرىن وكشەلەپ كەلە جاتقان قارسىلاستارىنا قاراعاندا جاقسىراق بولۋىنىڭ ارقاسىندا پارتيانى تەڭ ويىنمەن اياقتاۋىنا دا بولاتىن. ەندەشە ەكەۋى دە دەگەنىنە جەتتى. ءالىمجان قارسىلاسىنا كۇش پوزيتسياسى تۇرعىسىنان پارتيانى تەڭ ويىنمەن اياقتاۋدى ۇسىندى. ال 14 جاسار ارتيوم وزىنەن جاسى الدەقايدا ۇلكەن قارسىلاستارىن باسىپ وزدى!

قىزۋ تارتىستا تاماشا ويىن كورسەتكەن تۇركىستان وبلىسىنىڭ شاحماتشىسى نۇريسلام سۇلتانحان (9 جاسقا دەيىنگىلەر), اقتوبە وبلىسىنان كەلگەن حانزادا امانجول (13 جاسقا دەيىنگىلەر) جانە استاناعا وكىلدىك ەتكەن ماليكا جاپپاربەكوۆا (15 جاسقا دەيىنگىلەر) كۇمىس جۇلدەگەر اتانسا, الماتىلىق نۇرمۇحاممەد قابينازار (15 جاسقا دەيىنگىلەر) قولا جۇلدەنى جەڭىپ الدى.

4 التىن مەدال العان قازاقستاننىڭ كوماندالىق ەسەپتە دە كوش باستاعانى قيسىندى. وزبەكستاندىق كورشىلەرىمىزدىڭ ەنشىسىندە 3 التىن مەدال بولسا, 2 التىن, 1 كۇمىس مەدال العان موڭعوليا 3-ءشى ورىنعا جايعاستى.

U7: 1. ابدۋل-مالىك قايرات (1601) – 9 ۇپاي; 2. وم ەش گوتتۋمۋكالا ء(ۇندىستان, 1413) – 7½; 3. وسكار فاتحليسلاموۆ (FID, 1426) – 6½.

G7: 1. پراگنيكا ۆاكا لاكشمي ء(ۇندىستان, 1437) – 9 ۇپاي; 2. موحينۋر ازامحۋدجاەۆا (وزبەكستان, 0) – 7; 3. ۆەرا تسزينتيان كسيۋ (جاڭا زەلانديا, 0) – 7.

U9: 1. نۋرمۋحامماد نەماتيللاحونوۆ (وزبەكستان, 1767) – 7½ ۇپاي; 2. نۇريسلام سۇلتانحان (1649) – 7; 3. فيودور بوندارەۆ (FID, 1598) – 7.

G9: 1. اليشا بيساليەۆا (1599) – 8 ۇپاي; 2. شاگدارسۋرەن ۋرانزايا (موڭعوليا, 1530) – 8; 3. مادينابونۋ ازاتوۆا (وزبەكستان, 1525) – 7½. U11: 1. ءالىمجان جاۋىنباي (1927) – 7 ۇپاي; 2. لەونيد يۆانوۆيچ (سەربيا, 2015) – 7; 3. CM الي پويراز ۋزدەمير (تۇركيا, 2184) – 6½.

G11: 1. WCM چينزوريگ ناندينجيگۋر (موڭعوليا, 1770) – 8 ۇپاي; 2. WCM ديۆي بيدجەش ء(ۇندىستان, 1827) – 8; 3. دورجدەرەم مۋنح-ايالگۋ (موڭعوليا, 1689) – 6½.

U13: 1. FM ماتفەي يۋراسوۆ (FID, 2271) – 7½ ۇپاي; 2. بيلوليددين وبيدوۆ (وزبەكستان, 2020) – 7; 3. ميروسلاۆ باتۋرين-ۆينوگرادوۆ (FID, 1912) – 7.

G13: 1. سارۆينوز بەگمۋراتوۆا (وزبەكستان, 1808) – 7½ ۇپاي; 2. WFM حانزادا امانجول (1908) – 6½; 3. سوفيا گاەر (FID, 1733) – 6½.

U15: 1. FM گلەب ششەگلوۆ (FID, 2306) – 8 ۇپاي; 2. ەرەكلە تاباتادزە (گرۋزيا, 2180) – 7; 3. نۇرمۇحاممەد قابينازار (2057) – 7.

G15: 1. WFM نيلۋفارحون يمومكۋزيەۆا (وزبەكستان, 1983) – 7 ۇپاي; 2. ماليكا جاپپاربەكوۆا (1878) – 6½; 3. WFM لەننيس فەررەر نارانحو (كۋبا, 1950) – 6.

O17: 1. FM ارتيوم بوگدانوۆ (2373) – 7 ۇپاي; 2. اندرەي لەپيچ (سەربيا, 2337) – 7; 3. حوندامير ەلميرزاەۆ (وزبەكستان, 2036) – 6½.

G17: 1. WCM باتپەلدەن بۋيانحيشيگ (موڭعوليا, 1907) – 7½ ۇپاي; 2. WFM اناستاسيا كيرتادزە (گرۋزيا, 2180) – 7; 3. ەساندي م نيۋانسا (شري-لانكا, 1801) – 6.

2024 جىلى مەكتەپ وقۋشىلارى اراسىنداعى الەم چەمپيوناتى پەرۋ استاناسى ليمادا ءوتتى. سول جولى قاشىقتا جاتقان وڭتۇستىك امەريكا ەلىنەن قازاقستاننىڭ ءتورت شاحماتشىسىنىڭ ەكەۋى جۇلدەمەن ورالدى: استانالىق ايارۋ التىنبەك 13 جاسقا دەيىنگىلەر ساناتىندا التىن مەدال السا, قوستاناي ويىنشىسى يمان نابيەۆ (و9) قولا جۇلدەگە يە بولدى.