جاساندى ينتەللەكتىنىڭ يگىلىگىمەن قاتار, زياندى تۇسى دا بارشىلىق. ونى ينتەرنەت-الاياقتار قاراپايىم ازاماتتىڭ دەرەكتەرىنەن باستاپ, مەملەكەتتىڭ قۇپيا اقپاراتىن قولعا تۇسىرەتىن تاپتىرماس قۇرال رەتىندە پايدالانىپ وتىر. سول سەبەپتى جاقىن ارادا «eGov» پورتالىندا جەكە دەرەكتەردىڭ تارالعانىن تەكسەرەتىن جاڭا فۋنكتسيا ىسكە قوسىلماق.
«TSARKA Group» ساراپشىلارى ازىرلەگەن «Nomad Guard» قىزمەتىنىڭ ينتەگراتسياسى ء«موبيلدى ازاماتتار» بازاسىنداعى دەرەكتەر نەگىزىندە اقپاراتتىڭ اۆتوماتتى تۇردە تەكسەرىلۋىن قامتاماسىز ەتەدى. ازاماتتار ەتسق ارقىلى جۇيەگە كىرگەننەن كەيىن, سەرۆيس اۆتوماتتى تۇردە دەرەكتەردى تالداپ شىعادى. ەگەر قانداي دا ءبىر اقپارات تارالىپ كەتكەنى انىقتالسا, پايدالانۋشىعا 1414 نومىرىنەن SMS جانە «eGov Mobile» قوسىمشاسى ارقىلى حابارلاما جىبەرىلەدى.
مۇنداي ەسكەرتۋ ارقىلى ازامات ءوز دەرەكتەرىنىڭ قاۋىپسىزدىگىنە نازار اۋدارىپ, الاياقتاردان ساقتانۋ ءۇشىن شۇعىل شارا قابىلداي الادى. سەبەبى جەكە مالىمەتتەر داركنەت پەن Telegram ارنالارىنا تاراپ كەتسە, الاياقتار قۇرىعىنا ءتۇسىرۋى مۇمكىن.
«Web-Totem» كومپانياسىنىڭ باسشىسى رۋسلان تۋرگەلدينوۆتىڭ ايتۋىنشا, بۇل قىزمەت دەرەكتەر قاۋىپسىزدىگىن ارتتىرىپ, ازاماتتاردىڭ جەكە اقپاراتىمەن جاسالاتىن الاياقتىقتىڭ الدىن الۋعا كومەكتەسەدى. قازىر بۇل فۋنكتسيا تەستىلەۋدىڭ سوڭعى كەزەڭىندە, جاقىن ارادا «eGov Mobile» جۇيەسىندە قولجەتىمدى بولادى.