اقش-تاعى دەنۆەر اۋەجايىنىڭ الدىندا تۇرعان الىپ ءمۇسىندى جۇرت «بليۋتسيفەر» دەپ اتاپ كەتكەن. سەبەبى كوزىنەن جالىن شاشىراعان جىلقى بەينەسىن كورگەن بويدا-اق كەۋدەگە قورقىنىش ۇيالايدى.
وسى ءمۇسىندى جاساعان امەريكالىق شەبەر لۋيس حيمەنەس ءۇشىن بۇل تۋىندى ومىرىندەگى سوڭعى جۇمىس بولدى. 2006 جىلى ول اتتىڭ باسىن بوياپ جاتقان كەزدە, ءتورت توننالىق اۋىر بولشەك ءۇزىلىپ ءتۇسىپ, ءمۇسىنشىنىڭ اياعىنداعى كۇرەتامىردى قيىپ كەتكەن. حيمەنەس سول جەردە قايتىس بولدى. سوعان قاراماستان, شەبەردىڭ تۋىستارى مەن ارىپتەستەرى جۇمىستى اياقتاپ, ءمۇسىندى ورنىنا قويدى. سودان بەرى بۇل مۇسىنگە قاراپ, جۇرت ەكىۇداي سەزىمدە قالادى.