اۋستراليانىڭ مەلبۋرن قالاسىندا توڭكەرىلىپ تۇرعان ەسكەرتكىش بار. بۇل – ۆيكتوريا شتاتىنىڭ تۇڭعىش لەيتەنانت-گۋبەرناتورى چارلز لا تروبقا ارنالعان ءمۇسىن.
2004 جىلى ورناتىلعان 5 مەترلىك ەسكەرتكىشتى جەرگىلىكتى ءمۇسىنشى چارلز روبب جاساعان. ول وسى تۋىندىسى ارقىلى «ەرەكشە ادامعا – ەرەكشە ەسكەرتكىش» يدەياسىن جەتكىزگىسى كەلگەن. لا تروب مەلبۋرندى كوگالداندىرۋعا, ۋنيۆەرسيتەت, كىتاپحانا, مۋزەي, اۋرۋحانا سالۋعا ۇيىتقى بولعان تۇلعا. «ۋنيۆەرسيتەتتىڭ باستى ماقساتى – ادامنىڭ ويلاۋ جۇيەسىن توڭكەرىپ, جاڭا كوزقاراس قالىپتاستىرۋ. مىنەكەي, بۇل ءمۇسىن – سونىڭ ءرامىزى», دەگەن ەكەن ءمۇسىننىڭ اۆتورى. ءبىر قىزىعى, ءدال وسى توڭكەرىلگەن ەسكەرتكىش ەل ەسىندە جاقسى ساقتالىپ, لا تروبتىڭ ەسىمىن قوعامعا كەڭىنەن تانىتتى.