سەنات توراعاسى ماۋلەن اشىمباەۆ باتىس قازاقستان وبلىسىندا ەڭبەك ۇجىمدارىمەن, ءماسليحات دەپۋتاتتارىمەن, قازاقستان حالقى اسسامبلەياسىنىڭ مۇشەلەرىمەن, جەرگىلىكتى جۇرتشىلىقپەن جانە جاستارمەن كەزدەسۋلەر وتكىزدى. ءىس-شارالار بارىسىندا ۇلتتىق قۇرىلتايدىڭ IV وتىرىسىندا مەملەكەت باسشىسى جۇكتەگەن مىندەتتەردى ىسكە اسىرۋ جانە سەناتتىڭ وڭىرلەردى دامىتۋعا ىقپالىن ودان ءارى كۇشەيتۋ ماسەلەلەرى, سونداي-اق, پالاتانىڭ ماسليحاتتارمەن بىرلەسكەن جۇمىسىنىڭ ماڭىزدى باعىتتارى تالقىلاندى, دەپ جازادى Egemen.kz.
ءماسليحات دەپۋتاتتارىمەن جانە وبلىس جۇرتشىلىعىمەن كەزدەسۋدە ساياسي, ەكونوميكالىق جانە الەۋمەتتىك رەفورمالاردى ىسكە اسىرۋ بارىسىنا باسا ءمان بەرىلدى. ماۋلەن اشىمباەۆ ادىلەتتى, قاۋىپسىز جانە قۋاتتى قازاقستان قۇرۋ ءۇشىن ەل پرەزيدەنتى ۇلتتىق قۇرىلتايدىڭ IV وتىرىسىندا بەلگىلەپ بەرگەن باسىمدىقتاردى ساپالى ىسكە اسىرۋدىڭ ماڭىزدى ەكەنىن اتاپ ءوتتى.
سونداي-اق پالاتا سپيكەرى بارلىق دەڭگەيدەگى كەشەندى جۇمىس, مۇددەلى تاراپتاردىڭ بەلسەندىلىگى, سىندارلى ءوزارا ءىس-قيمىل, سونىڭ ىشىندە قاجەتتى زاڭداردى ۋاقتىلى قابىلداۋ, ەڭ الدىمەن, ەلىمىزدىڭ تابىستى ەكونوميكالىق دامۋىنىڭ, وڭىرلەردىڭوركەندەۋىنىڭ جانە ازاماتتاردىڭ ءال-اۋقاتىنىڭ ارتۋىنىڭ كەپىلى ەكەنىن ايتتى.
«پرەزيدەنتىمىز قاسىم-جومارت كەمەل ۇلى توقاەۆ ۇلتتىق قۇرىلتايدىڭ IV وتىرىسىندا ەلىمىزدى دامىتۋعا قاتىستى وزەكتى ماسەلەلەرگە كەڭىنەن توقتالدى. وڭىرلەردىڭ ەكونوميكاسىن وركەندەتۋ نەگىزگى باعىتتاردىڭ ءبىرى رەتىندە بەلگىلەندى. قۇرىلتايدا ىشكى ساياسات, يدەولوگيا, ءبىلىم بەرۋ ماسەلەلەرىنە دە ەرەكشە نازار اۋدارىلدى. ايتىلعان بارلىق باستامالار ادىلەتتى, قاۋىپسىز, تازا جانە قۋاتتى قازاقستان قۇرۋ يدەياسىن ىسكە اسىرۋعا ارنالعان. وسى جانە باسقا دا مىندەتتەردى ساپالى ىسكە اسىرۋ ءۇشىن جۇيەلى ءارى ءتيىمدى جۇمىس ىستەۋىمىز كەرەك», – دەپ,سەنات توراعاسى وبلىستىق ءماسليحات دەپۋتاتتارىن ورتاق ماقساتتارعا قول جەتكىزۋ ءۇشىن پالاتانىڭ زاڭ شىعارۋ قىزمەتىنە بەلسەندى قاتىسۋعا شاقىردى.
وسىعان بايلانىستى ماۋلەن اشىمباەۆ ءساۋىر ايىندا ماسليحاتتارمەن ءوزارا ءىس-قيمىل جونىندەگى كەڭەستىڭ جاڭا فورماتتاعى كەڭەيتىلگەن وتىرىسىن وتكىزۋ جوسپارلانىپ وتىرعانىن تىلگە تيەك ەتتى. وندا مەملەكەت باسشىسى ءماسليحات دەپۋتاتتارىنىڭ II رەسپۋبليكالىق فورۋمىندا بەلگىلەپ بەرگەن مىندەتتەر تالقىلانباق.
سونىمەن قاتار ماۋلەن اشىمباەۆ ەكونوميكانى ءارتاراپتاندىرۋدىڭ, وڭدەۋشى ونەركاسىپ پەن اۋىل شارۋاشىلىعىن دامىتۋدىڭ ماڭىزدى باعىتتارىنا توقتالدى. كەزدەسۋدە ەل پرەزيدەنتىنىڭ وڭىرلەرگە قاتىستى ينۆەستيتسيالار تارتۋ, جاڭا تەحنولوگيالار ەنگىزۋ, جاڭا كاسىپورىنداردى ىسكە قوسۋ جانە جۇمىس ورىندارىن اشۋ جونىندەگى وزەكتى باستامالارى دا تالقىلاندى.
ءىس-شارادا اتاپ وتىلگەندەي, قازىرگى تاڭدا باتىس قازاقستان وبلىسى ەكونوميكانىڭ ءوسۋ قارقىنى بويىنشا ايتارلىقتاي دەڭگەيدە. سونداي-اق بىلتىر سۋ تاسقىنىنىڭ سالدارىن جويۋ جانە بيىل ونىڭ الدىن الۋ باعىتىنداعى جۇمىستاردا دا جوعارى ناتيجەلەرگە قول جەتكىزىلگەنى ءسوز بولدى.
«بۇگىندە باتىس قازاقستان وبلىسى ەلىمىزدە ونەركاسىپ ءوندىرىسى, اۋىل شارۋاشىلىعى, شاعىن جانە ورتا بيزنەس سياقتى ماڭىزدى سالالاردىڭ دامۋىنا ۇلكەن ۇلەس قوسىپ وتىر. ءتۇرلى باعدارلامالار تابىستى ىسكە اسىرىلىپ, ءوڭىردىڭ ەكونوميكاسى تۇراقتى ءوسىپ كەلەدى. بيىل 841 ملرد تەڭگە ينۆەستيتسيا تارتىلىپ, اۋىل شارۋاشىلىعى, قايتا وڭدەۋ, ونەركاسىپ, تۋريزم جانە تاعى باسقا سالالار بويىنشا ءىرى جوبالاردى ىسكە اسىرۋ كوزدەلۋدە. بىلتىرعى سۋتاسقىنىنىڭ سالدارىن جويۋعا جانە زارداپ شەككەندەرگە كومەك كورسەتۋگە قاتىستى پرەزيدەنتىمىز جۇكتەگەن مىندەتتەر جەدەل ورىندالعانىن دا اتاپ وتكەن ءجون. بيىل دا سۋ تاسقىنىنىڭ الدىن الۋ جۇمىستارى جۇيەلى تۇردە جۇرگىزىلىپ كەلەدى. سەنات وڭىرلەردىڭ مۇددەسىن قورعايتىن پالاتا رەتىندە وبلىستاردىڭ دامۋىنا قولداۋ كورسەتۋ باعىتىنداعى جۇمىستى جالعاستىرا بەرەدى», دەدى ماۋلەن اشىمباەۆ.
سونىمەن قاتار سەناتورلار ماحامبەت وتەمىس ۇلى اتىنداعى باتىس قازاقستان ۋنيۆەرسيتەتىندە ءوڭىردىڭ بەلسەندى جاستارىمەن كەزدەستى. وندا قولعا الىنعان رەفورمالاردى ىسكە اسىرۋ جانە ەل دامۋىنداعى جاستاردىڭ ءرولى جان-جاقتى تالقىلاندى. سەنات توراعاسى اتاپ وتكەندەي, زياتكەر, ءبىلىمدى, جاسامپاز, زامان تالاپتارىنا جەدەل بەيىمدەلەتىن جاستار – ەلىمىزدى جاڭعىرتۋدىڭ قوزعاۋشى كۇشى. سوندىقتان قازىر جاس بۋىنعا جۇيەلى قولداۋ كورسەتۋ ءۇشىن كەشەندى رەفورمالار جۇزەگە اسىرىلىپ, ستراتەگيالىق باعدارلامالار مەن مەملەكەتتىك جوبالار قولعا الىنۋدا. سونىڭ ىشىندە جاڭا فورماتسياداعى ماماندار دايارلاۋدى كوزدەيتىن باستامالاردىڭ ءمانى زور.
«مەملەكەت باسشىسىنىڭ باستاماسىمەن ەلىمىزدە اۋقىمدى ساياسي, ەكونوميكالىق جانە الەۋمەتتىك رەفورمالار جۇرگىزىلىپ جاتىر. «ۇلتتىق قور – بالالارعا» باعدارلاماسى ىسكە اسىرىلۋدا. «كەلەشەك» جيناقتاۋشى جۇيەسى تۋرالى زاڭ قابىلداندى. «بولاشاق»باعدارلاماسى اياسىندا شەتەلدە وقۋ جانە تاعىلىمدامادان ءوتۋ مۇمكىندىكتەرى كەڭەيتىلدى. وسىلايشا, وسكەلەڭ ۇرپاقتىڭ الەۋمەتتىك كەپىلدىكتەرىن قامتاماسىز ەتۋگە, ساپالى ءبىلىم الۋىنا جانە جەكە تۇلعا رەتىندە دامۋىنا قاجەتتى جاعداي جاسالىپ وتىر. سوندىقتان جاستار دا ءوز تاراپىنان ەل الدىنداعى جاۋاپكەرشىلىكتى سەزىنىپ, مەملەكەت باسشىسى بەلگىلەپ بەرگەن ادىلەتتى قازاقستان قالىپتاستىرۋ جولىنداعى مىندەتتەردى ىسكە اسىرۋ ءۇشىن بار كۇش-جىگەرىن جۇمساۋعا ءتيىس», دەپ, پالاتا سپيكەرى سەناتتىڭ زاڭنامالىق جۇمىستارىنا نازار اۋداردى.
سونىمەن قاتار, سەناتورلار بىلتىرعى سۋ تاسقىنىنان زارداپ شەككەن تۇرعىندارعا ارنالىپ مەملەكەت باسشىسىنىڭ تاپسىرماسىمەن سالىنعان ۇيلەرگە ارنايى باردى. سونداي-اق جاقىندا ىسكە قوسىلعان 150 ورىندىق «اقجايىق» مۇگەدەكتىگى بار ادامداردى وڭالتۋ ورتالىعىنىڭ قىزمەتىمەن تانىستى. مۇندا ەرەكشە قاجەتتىلىكتەرى بار ازاماتتار ءۇشىن روبوتتى كەشەندەر قولدانىلاتىنەمدىك دەنە شىنىقتىرۋ كابينەتى جۇمىس ىستەيدى. ودان بولەك, ورتالىقتا بوچچا پاراسپورتتارىبويىنشا جاتتىعۋ زالى, وڭالتۋعا ارنالعان ارنايى كابينەتتەر قاراستىرىلعان باسسەين جانە وقۋ عيماراتى بار.
دەپۋتاتتار سۋسىمالى جۇكتەرگە ارنالعان بيگبەگتەر مەن ۆاگون توسەمدەرىن شىعاراتىن «Packaging Systems» جشس مەن «كۆانت» جيھاز فابريكاسىنىڭ ءوندىرىس تەحنولوگياسىمەن تانىستى. ەڭبەك ۇجىمدارىمەن كەزدەسۋلەر بارىسىندا ءوڭىر تۇرعىندارىن تولعاندىراتىن وزەكتى ماسەلەلەر مەنوندىرىستەردى ودان ءارى كەڭەيتۋ جانە ينۆەستيتسيالار تارتۋ تەتىكتەرى تالقىلاندى.