ءزىلزالانىڭ ماگنيتۋداسى 7,7 باللدى قۇراپ, وشاعى ميانمادا, تايلاندتىڭ راتچابۋري پروۆينتسياسىنا جاقىن 10 شاقىرىم تەرەڭدىكتە ورنالاسقان, دەپ حابارلايدى Egemen.kz.
اقش-تىڭ گەولوگيالىق قىزمەتىنىڭ مالىمەتىنشە, جەر سىلكىنىسىنىڭ دۇمپۋلەرى 640 ميل (شامامەن 1030 شاقىرىم) قاشىقتىقتاعى بانگكوكتا دا سەزىلگەن.
اپات سالدارىنان تايلاند استاناسىندا سالىنىپ جاتقان 30 قاباتتى عيمارات قۇلاپ, ءبىر ادام قازا تاۋىپ, 43 جۇمىسشى ءۇيىندى استىندا قالعان. قالادا توتەنشە جاعداي جاريالانىپ, مەترو جۇيەسىنىڭ جۇمىسى ۋاقىتشا توقتاتىلعان.
ميانمادا, اسىرەسە ماندالاي قالاسىندا, تاريحي عيماراتتار مەن جولدار قاتتى زاقىمدانعان. تاۋنگۋ قالاسىندا مەكتەپتىڭ قۇلاۋى سالدارىنان 20-دان استام بالا ءۇيىندى استىندا قالعان.
سونىمەن قاتار جەر سىلكىنىسى قىتايدىڭ يۋننان جانە سىچۋان پروۆينتسيالارىندا دا سەزىلىپ, رۋيلي قالاسىندا زاقىمدار مەن جاراقاتتار تىركەلگەن.
قازىرگى ۋاقىتتا زارداپ شەككەن ايماقتاردا قۇتقارۋ جانە قالپىنا كەلتىرۋ جۇمىستارى جۇرگىزىلىپ جاتىر.