وسى جىلدىڭ ەكى ايىندا قىزمەتتىك يتتەر 600 كيلوگرامنان استام ەسىرتكى, ونىڭ ىشىندە 48 كيلوگرامم سينتەتيكالىق ەسىرتكىنى انىقتاپ, تارالۋىنىڭ الدىن الدى, دەپ جازادى Egemen.kz.
قازىرگى ۋاقىتتا ءىىم كينولوگيالىق بولىنىستەرىنىڭ قىزمەتكەرلەرى «زاڭ جانە ءتارتىپ» قاعيداتى اياسىندا ەلدىڭ بارلىق اۋماعىندا ەسىرتكى قۇقىق بۇزۋشىلىقتارىن انىقتاۋ بويىنشا جەدەل-پروفيلاكتيكالىق جانە رەيدتىك ءىس-شارالار وتكىزىپ جاتىر. سقو-دا رەيد كەزىندە جولدا توقتاتىلعان اۆتوكولىكتەن ۆيولا لاقاپ اتتى قىزمەتتىك-ىزدەستىرۋ ءيتى 30 گرامنان اساتىن مەفەدرون ەسىرتكى زاتىن تاپقان. ال ۇستالعان ادام ەسىرتكى جاسىرۋشىسى بولىپ شىققان.وسىعان ۇقساس جاعداي رەسپۋبليكالىق ماڭىزى بار الماتى - استانا اۆتوجولىندا بولعان. وندا پوليتسيا قىزمەتكەرلەرى تەكسەرۋ ءۇشىن كولىكتى توقتاتىپ, تەكسەرۋ بارىسىندا تەيا قىزمەتتىك ءيتىنىڭ كومەگىمەن جالپى سالماعى 11 كيلوگرامنان اساتىن گاشيش ەسىرتكىسى تاركىلەنگەن.