فۋتبولدان ۇلتتىق قۇراما مۇشەسى, تۇركيالىق «بەشيكتاش» ويىنشىسى باقتيەر زاينۋتدينوۆ 2026 جىلعى الەم چەمپيوناتىنىڭ ىرىكتەۋ كەزەڭىندەگى ەكى ويىنىندا الاڭعا شىقپايدى, دەپ جازادى Egemen.kz.
قازاقستان فۋتبول فەدەراتسياسىنىڭ مالىمەتىنشە, بۇل شەشىمگە باقتيەر ءزاينۋتدينوۆتىڭ مەديتسينالىق قارالىمنىڭ قورىتىندىسى اسەر ەتكەن.
قازاقستان ۇلتتىق فۋتبول قۇراماسى ىرىكتەۋ كەزەڭىندە J توبىندا باق سىنايدى. بۇل توپتاعى قارسىلاستارى - بەلگيا, ۋەلس, سولتۇستىك ماكەدونيا جانە ليحتەنشتەين كوماندالارى.
ايتا كەتەيىك, قازاقستان قۇراماسى 22 ناۋرىزدا سىرت الاڭدا ۋەلسكە قارسى باق سىنايدى. ال 25 ناۋرىزدا ليحتەنشتەينگە قارسى الەم چەمپيوناتىنىڭ جولداماسىن ساراپقا سالادى.
ىرىكتەۋ ماتچتارى 2025 جىلدىڭ ناۋرىزىندا باستالىپ, قاراشا ايىندا مارەسىنە جەتەدى.