سۋ تاسقىنىنا دايىندىق شەڭبەرىندە بقو-دا 19 گيدروتەحنيكالىق قۇرىلىستى جوندەۋ 2024 جىلى باستالىپ, بۇگىندە 18 نىساندا قۇرىلىس-مونتاجداۋ جۇمىستارى اياقتالعان, ال 1 نىساندى جوندەۋ وسى ايدىڭ سوڭىندا اياقتالماق, دەپ حابارلايدى Egemen.kz.
بۇدان بولەك, 3 سۋ قويماسىن (جاڭا ءومىر, ۇزىنكول, كەمەر) جانە 2 بوگەتتى (ۋسپەن, بەساعاش) جوندەۋ جۇمىستارىن مارەسىنە جەتكىزۋ جوسپارلانىپ وتىر.
سالا مينيسترلىگىنىڭ مالىمەتىنشە, سونىمەن قاتار, 58 جىلدا العاش رەت كيروۆ سۋ قويماسىنا كەشەندى رەكونسترۋكتسيا جاسالدى. بۇگىندە ۇلكەن وزەن جانە كىشى وزەن وزەندەرىندە سۋ قويمالارىن سالۋعا, سونداي-اق بىتىك, دوڭگەلەك, پياتيمار سۋ قويمالارىن رەكونسترۋكتسيالاۋعا دايىندىق ءجۇرىپ جاتىر. قۇرىلىس-مونتاجداۋ جۇمىستارىنان بولەك, بيىل وبلىستا 9 سۋ قويماسىنا كوپ فاكتورلى زەرتتەۋ جۇرگىزۋ جوسپارلانىپ وتىر.
«وبلىستىق «قازسۋشار» فيليالى وڭىردەگى سۋ قويمالارىندا بوس سىيىمدىلىقتاردى قامتاماسىز ەتۋ بويىنشا جۇمىس جۇرگىزدى. سۋ دەڭگەيىنە تۇراقتى مونيتورينگ جانە تاۋلىك بويى كەزەكشىلىك جۇرگىزىلەدى. سونداي-اق رەسەيلىك ارىپتەستەرىمىزبەن تۇراقتى اقپارات الماسۋدامىز», دەدى بقو بويىنشا «قازسۋشار» فيليالىنىڭ ديرەكتورى راۋان حۋساينوۆ.