ايگىلى سۋرەتشى پابلو پيكاسسو تىڭ تاجىريبەلەر جاساپ, زەرتتەۋ جۇرگىزۋدەن جالىقپاعان. ونىڭ تۋىندىلارىنىڭ جالپى سانى 20 مىڭعا جەتىپ جىعىلادى.
سۋرەتشى 91 جاسقا كەلگەن شاعىندا دا قولىنان قىلقالامىن تاستاماعان. كۇنىنە ءۇش, ءتورت, ءتىپتى بەس كارتينا سالادى ەكەن. «ۋاقىتىم از, تىم ازايىپ بارادى, ال ايتارىم وتە كوپ» دەپ ءجۇرىپ, وعاش مۇسىندەر جاساۋمەن دە اينالىسقان. مايمىلدى جاساۋ ءۇشىن پيكاسسو ونىڭ بەتىنىڭ ورنىنا ويىنشىق كولىكتى, قۇيرىعىنىڭ ورنىنا كولىكتىڭ سەرىپپەسىن پايدالانىپ, دەنەسىن قۇمىرادان, سىنعان كوفە ساپتىاياعىنىڭ ۇستاعىشىنان جاسادى. وسى سەكىلدى مۇسىندەردىڭ ءبارىن ول اينالاسىنداعى زاتتاردان قۇراستىرعان. ءسويتىپ, بۇل شىعارماشىلىق ەڭبەگىن پيكاسسو «تابىلعان ونەر» دەپ اتاعان.