ريمدەگى كاپيتوليي مۋزەيىنە بارا قالساڭىز «تىكەن الىپ وتىرعان بالا» اتتى قولا ەسكەرتكىشكە ەرەكشە نازارىڭىز اۋادى. ءمۇسىننىڭ تۇلا بويى تۇنعان تابيعيلىق پەن شىنايىلىق.
اڭىزدىڭ ايتۋىنشا, بۇل ءمۇسىن جولىنداعى تىكەنەكتەرگە قاراماستان جارىستان ءبىرىنشى بولىپ كەلگەن ايگىلى سپارتالىققا ارنالعان. كىشكەنتاي جۇيرىك تابانىنداعى قان قاقساتقان جاراقاتقا قىڭق ەتپەي, مارەگە جەتىپ تىنعانشا جارىس جولىنان شىققان جوق. ونىڭ ەرىك-جىگەرىنە ءتانتى بولعان زامانداستارى قايسارلىق پەن توزىمدىلىكتى ۇلىقتاۋ ءۇشىن وسىنداي ەسكەرتكىش ورناتقان.