ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ءبىلىم باعدارلامالارى «QS World University Rankings» الەمدىك ءبىلىم بەرۋ ءپانى رەيتينگىنىڭ ۇزدىك توپ 200 قاتارىنا ەندى.
ۇزدىك پاندەر قاتارىندا: «قوناقجايلىلىق جانە دەمالىستى باسقارۋ» – 101-150, «ارحەولوگيا» – ۇزدىك 101-150, «اعىلشىن ءتىلى مەن ادەبيەتى» – 101-150, «لينگۆيستيكا» – 101-150, «ونەر جانە گۋمانيتارلىق عىلىمدار» – 153, «تاريح» – 201-250 توبىنان كورىندى.
سونداي-اق الەمدەگى ۇزدىك ءۇش جۇزدىكتە «ينجەنەريا جانە تەحنولوگيالار» پاندەرى – 292, «ساياسات جانە حالىقارالىق زەرتتەۋلەر» – 250-300 ورىن الدى.ۇزدىك 500-گە «الەۋمەتتانۋ» – 301-350, ء«بىلىم» – 301-350, «بيزنەس جانە مەنەدجمەنت» – 501-550 ءبىلىم باعدارلامالارى كىردى.
بيىل 5203 جوعارى وقۋ ورىندارىنا تالداۋ جاسالىپ, ونىڭ 1 747-ءسى جاريالاندى. ەۋرازيا ۇلتتىق ۋنيۆەرسيتەتى ۇسىنىلعان پاندەر جالپى سانىندا وڭ ديناميكا كورسەتىپ وتىر. بۇل بيىل 21-گە دەيىن ءوستى. سالىستىرۋ ءۇشىن ايتالىق, ءۇش جىل بۇرىن ولاردىڭ تەك 11 ءپانى بولعان, ياعني كورسەتكىش ەكى ەسەگە وسكەن. بيىل اتالعان جوعارى وقۋ ورنى 17 جانە 4 پاندىك باعىت بويىنشا ۇسىنىلدى. جالپى رەيتينگ كورسەتكىشتەرى اكادەميالىق بەدەل, جۇمىس بەرۋشىنىڭ بەدەلى, دايەكسوزدەر, ھ-يندەكسى, حالىقارالىق زەرتتەۋ جەلىسى بويىنشا باعالانادى.
بيىل العاش رەت ەۋرازيا ۇلتتىق ۋنيۆەرسيتەتى «جاراتىلىستانۋ عىلىمدارى» پاندىك باعىتىنا ەنىپ, 455-ورىنعا يە بولدى. ۋنيۆەرسيتەت سونىمەن قاتار «ماتەماتيكا» بويىنشا 501-600 ۇزدىك قاتارىنا ەندى.ناتيجەلەر 145-ورىنعا كوتەرىلگەن «ارحەولوگيا», 301-350-گە كىرگەن ء«بىلىم» جانە 35 ورىنعا كوتەرىلگەن «ينجەنەريا جانە تەحنولوگيالار» بويىنشا 292-ورىنعا كورسەتكىشتەر جاقساردى.
ەڭ ۇزدىك پاندەر 100-دەن سايكەسىنشە 72,0 جانە 68,8 بالل جيناعان «قازىرگى تىلدەر» مەن «لينگۆيستيكا» بولدى.