سپۋتنيك سۋرەتتەرى كورسەتكەندەي سولتۇستىك كورەيا باسشىسى كيم چەن ىن ءوزىنىڭ زىمىراندارعا ارنالعان جەر استى بۋنكەرلەرىن جەكە گولف الاڭىنىڭ استىنا جاسىرعان, بۇل الاڭ بۇعان دەيىن قيراتىلعان سارايدىڭ ورنىنا ورنالاسقان, دەپ حابارلايدى Egemen.kz Daily Mail بريتاندىق گازەتىنە سىلتەمە جاساپ.
سۋرەتتەردە پحەنياننىڭ وڭتۇستىگىندە ورنالاسقان كيمنىڭ بۇرىنعى قىسقى سارايىنىڭ اۋماعى كورسەتىلگەن, ول وتكەن جىلى بۇزىلعان بولاتىن. قازىر بۇل جەر تىعىز وتىرعىزىلعان اعاشتارمەن قورشالعان.
ءبىر قاراعاندا, كەشەن جەكە گولف الاڭىنا ۇقسايدى, بىراق ساراپشىلاردىڭ ايتۋىنشا, تەرەڭىرەك زەرتتەگەندە سولتۇستىك كورەيانىڭ قۇپيا قوندىرعىلارى مەن زىمىراندارىن جاسىرۋ ءۇشىن پايدالانىلاتىندىعىن دالەلدەيتىن بەلگىلەردى كورۋگە بولادى.
قۇرىلىس كەزىندە جۇرگىزىلگەن جاقىن ينفراقىزىل دياپازوندى تالداۋ گولف الاڭدارى بەتون نەگىزدەرىنە سالىنعانىن جانە ولاردىڭ ۇستىنە جۇقا توپىراق قاباتىمەن جابىلعانىن كورسەتتى.
ميددلبەرري ينستيتۋتى, يادرولىق قارۋدى تاراتپاۋ سالاسىنداعى زەرتتەۋ ورتالىعىنىڭ ساراپشىلارى بەتون نەگىزدەرى بار تەگىس الاڭداردىڭ الىس قاشىقتىققا ۇشاتىن بالليستيكالىق زىمىرانداردى ىسكە قوسۋعا وتە قولايلى ەكەندىگىن ايتتى.