فرانتسيا ەلشىسىمەن كەزدەستى

كەزدەسۋ بارىسىندا ماۋلەن اشىمباەۆ ديپلوماتتى تاعايىن­دالۋىمەن قۇتتىقتاپ, فرانتسيا قازاقستاننىڭ ەۋروپالىق وداقتاعى ستراتەگيالىق سەرىكتەستەرىنىڭ ءبىرى ەكەنىن اتاپ ءوتتى. سۇحبات كەزىندە ەكى ەل اراسىنداعى بايلانىستى نىعايتۋ ىسىندە مەملەكەت باسشىلارىنىڭ دوستىق قارىم-قاتىناسى ەلەۋلى ءرول اتقاراتىنى, سونىڭ ارقاسىندا بۇگىن­دە كوپتەگەن سالادا ماڭىزدى كەلى­سىم­دەرگە قول جەتكىزىلگەنى ايتىلدى.

«بۇگىندە قازاقستان مەن فرانتسيا اراسىندا ەڭ جوعا­رى دەڭ­گەيدە سىندارلى ساياسي ديا­لوگ قا­لىپ­تاستى. ەكى ەل پرەزي­دەنت­­تەرىنىڭ ءوزارا ساپارلارى مەم­لەكەت­تەرى­مىز­دىڭ ىن­تى­ماقتاستىعىنا تىڭ سەر­پىن بەردى. سونىڭ اياسىندا سترا­تەگيا­لىق سەرىك­تەستىكتى نىعايتۋ­عا باعىت­تالعان بىر­لەسكەن دەكلارا­تسياعا قول قويىل­دى. ءبىزدىڭ پارلا­مەنت­تىڭ ەكى پالاتا­سىندا دا فران­تسيامەن دوستىق توپ­تارى جۇمىس ىستەيدى. ولاردىڭ قىز­مەتى دە­پۋتاتتار اراسىنداعى ىنتى­ماق­­تاس­تىقتى ارتتىرۋدىڭ ماڭىز­دى تە­تىگى ەكەنى انىق. الداعى ۋاقىت­تا جۇ­­مىس توپ­­تارى­نىڭ الەۋەتىن بەل­سەن­دى پا­ي­­دا­لان­عان ابزال», دەدى م.اشىمباەۆ.

كەزدەسۋدە ساۋدا-ەكونومي­كا­لىق, ينۆەستيتسيالىق جانە ينف­را­قۇرى­لىمدىق ىنتىماقتاستىق ماسە­لەلەرى تالقىلاندى. تاراپتار كليمات­تىق كۇن تارتىبىنە, ەنەرگەتيكا سالاسىنا, تسيفرلاندىرۋ مەن جاسان­دى ينتەل­لەكتىنى دامىتۋعا قاتىس­تى بىرلەسكەن مىندەتتەردى دە بەلگىلەدى.

سونىمەن قاتار ماۋلەن اشىمباەۆ مەملەكەت باسشىسى قاسىم-جومارت توقاەۆتىڭ باستاماسىمەن قازاقستاندا جۇرگىزىلىپ جات­قان رەفورمالارعا توقتالىپ ءوتتى. پالاتا سپيكەرى ورنىقتى دامۋ­عا, ينكليۋزيۆتى قوعام قۇرۋعا, رۋحا­ني ديپلوماتيانى ىلگەرىلەتۋگە ارنال­عان جوبالار جونىندە كەڭىرەك ايتىپ, بيىل قىركۇيەك ايىندا وتەتىن الەمدىك جانە ءداستۇرلى دىندەر كوش­باسشىلارىنىڭ «دىندەر ديا­لوگى: بولاشاق جولىنداعى سينەرگيا» اتتى VIII سەزىنە نازار اۋداردى.

ءوز كەزەگىندە سيلۆان گيوگە قازاق­ستاننىڭ جاھاندىق سىن-قاتەر­­لەردى ەڭسەرۋ, الەۋمەتتىك-ەكو­نو­مي­كالىق جانە ساياسي رە­فور­مالار­دى ىسكە اسىرۋ جو­لىن­داعى تابان­دى­لىعىن جوعارى باعالادى. سونداي-اق ول پارلامەنت سەناتىمەن ەكىجاقتى ىنتىماقتاستىقتى ودان ءارى كەڭەي­تۋگە مۇددەلى ەكەنىن ءبىلدىردى.