«قارۋ» جەدەل-پروفيلاكتيكالىق ءىس-شاراسى اياسىندا 360 قارۋ مەن 3 مىڭنان استام وق-ءدارى تاركىلەندى, دەپ حابارلايدى Egemen.kz Polisia.kz-كە سىلتەمە جاساپ.
- ءۇش كۇندە 30-دان استام قارۋ جاسىرىلعان جەر انىقتالىپ, 360 ءتۇرلى اتىس قارۋ, 12 گرانات جانە 3 مىڭنان استام وق-ءدارى تاركىلەندى. سونىمەن قاتار بۇرىن ۇرلانعان 7 قارۋ انىقتالدى, ونىڭ تورتەۋى قاڭتار وقيعاسى كەزىندە ۇرلانعان. بۇرىن جوعالعان 6 قارۋ تاركىلەنىپ, 14 قارۋدى ادامدار وزدەرى ەرىكتى تۇردە تاپسىردى, - دەدى ءىىم كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.
«قارۋ» جەدەل-پروفيلاكتيكالىق ءىس-شاراسى بارىسىندا اتىس قارۋىن زاڭسىز ساقتاۋ جانە الىپ ءجۇرۋدىڭ 120 دەرەگى انىقتالىپ, 200 ادام اكىمشىلىك جاۋاپكەرشىلىككە تارتىلدى.
ىشكى ىستەر مينيسترلىگى ازاماتتارعا قارۋدى كەز كەلگەن ۋاقىتتا ەرىكتى تۇردە تاپسىرۋ مۇمكىندىگى بار ەكەنىن جانە بۇل ءۇشىن ەشقانداي قۇقىقتىق سالدار بولمايتىنىن ەسكە سالادى.