قازاقستان شەتەلدىك ءىت ماماندارىنا جۇمىس ۇسىنادى

باعدارلامانىڭ ماقساتى - الەمدىك ءىت تالانتتارىن ەلگە جۇمىس ىستەۋگە جانە تۇراقتى تۇرۋعا تارتۋ.

«Digital Nomad Residency» باعدارلاماسى ءىت سالاسىندا جۇمىس ىستەيتىن شەتەلدىك مامانداردى تارتۋعا باعىتتالعان. ول قازاقستاندا تۇراقتى تۇرۋعا رۇقسات الۋ مۇمكىندىگىن جەڭىلدەتىلگەن تۇردە ۇسىنادى.

جەكە سايكەستەندىرۋ ءنومىرى (جسن) جانە ەلەكتروندى تسيفرلىق قولتاڭباسى (ەتسق) بولعان جاعدايدا, شەتەلدىك IT مامانى سۇرانىسقا يە ماماندىقتار تىزىمىنە سايكەستىگى ءۇشىن سالالىق مەملەكەتتىك ورگاننىڭ ءوتىنىشىن الۋ ءۇشىن  Astana hub پورتالىنا ءوتىنىش بەرەدى. كانديدات شەتەلدىك پاسپورت كوشىرمەسىن, تۇيىندەمەسىن, پورتفوليوسىن, موتيۆاتسيالىق حاتىن, سوتتالماعانى تۋرالى كۋالىگىن جانە 3,5*4,5 ءتۇستى فوتوسۋرەتىن ۇسىنادى. ناتيجەسىندە, كانديدات قازاقستاننىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنەن ءوزىنىڭ بىلىكتىلىگىن جانە IT مامانى مارتەبەسىن راستايتىن ءوتىنىش الادى.وسىدان كەيىن, شەتەلدىك IT مامانى تۇراقتى تۇرۋعا رۇقسات الۋدى الدىن الا ماقۇلداۋ ءۇشىن eGov.kz پورتالىندا قىزمەتكە ءوتىنىش بەرۋى كەرەك.

قىزمەتتى پايدالانۋ ءۇشىن:

- eGov.kz پورتالىندا تىركەلىپ, «ازاماتتارعا» - «ازاماتتىق, كوشى-قون جانە يمميگراتسيا» - «شەتەلدىكتەرگە: قر-عا كىرۋ جانە ازاماتتىق» بولىمىنە ءوتۋ قاجەت;

- «شەتەلدىك IT ماماندارىنا قازاقستان رەسپۋبليكاسىندا تۇراقتى تۇرۋعا رۇقسات بەرۋ» قىزمەتىن تاڭداپ, «قىزمەتكە ونلاين تاپسىرىس بەرۋ» باتىرماسىن باسۋ كەرەك;

- كوشى-قون پوليتسياسىنىڭ باسقارماسىن تاڭداۋ كەرەك;

- شەتەل پاسپورتىنىڭ كوشىرمەسىن ء(وتىنىش بەرگەن كەزدە پاسپورتتىڭ جارامدىلىق مەرزىمى 180 كۇنتىزبەلىك كۇننەن ارتىق بولۋى كەرەك), قر شەتەل ءوفيسىنىڭ كونسۋلى كۋالاندىرعان اۋدارماسىمەن, 35x45 مم ساندىق فوتوسۋرەتتى قوسۋ كەرەك;

- ء تسدياوم ءوتىنىشىن قاجەت ماماندىقتاردىڭ تىزىمىنە سايكەس كەلتىرۋ كەرەك;

- ءتيىستى مەملەكەتتىڭ قۇزىرەتتى ورگانى بەرگەن ازاماتتىق جانە/نەمەسە تۇراقتى تۇرعىلىقتى مەملەكەتتە سوتتالماعاندىعى تۋرالى زاڭداستىرىلعان قۇجاتتى قوساڭىز جانە «كەلەسى» باتىرماسىن باسۋ كەرەك;

- قاجەتتى جولاقتاردى تولتىرۋ كەرەك;

- قىزمەتتى ەتسق ارقىلى قول قويۋ كەرەك;

- ء وتىنىم ساۋالناماسىن جۇكتەپ, تانىسۋ كەرەك;

- اقپاراتتىق جۇيەلەردە زاڭمەن قورعالعان قۇپيانى قۇرايتىن اقپاراتتى پايدالانۋعا كەلىسىم بەرۋ كەرەك;

-  جۇكتەلگەن جانە تولتىرىلعان ءوتىنىم ساۋالناماسىن تىركەۋ كەرەك;

- ء وتىنىمدى جىبەرۋ قاجەت;

- قىزمەت ناتيجەسى پايدالانۋشىنىڭ جەكە كابينەتىندە «قىزمەت تاريحى» بولىمىندە قولجەتىمدى بولادى.

ءوتىنىمدى قاراۋ مەرزىمى - 45 كۇنتىزبەلىك كۇن. سودان كەيىن ماماندار قازاقستانعا كەلىپ, حالىققا قىزمەت كورسەتۋ ورتالىعىنىڭ كەڭسەلەرىندە راسىمدەۋدى اياقتاي الادى.

قوسىمشا اقپاراتتى Astana Hub رەسمي ۆەب-سايتىنان تابۋعا بولادى.

جوبا قر ءتسدياوم مەملەكەتتىك كورسەتىلەتىن قىزمەتتەر كوميتەتىنىڭ, قر ءتسدياوم جاساندى ينتەللەكت جانە يننوۆاتسيالاردى دامىتۋ كوميتەتىنىڭ, «ۇلتتىق اقپاراتتىق تەحنولوگيالار» اق, قر سىرتقى ىستەر مينيسترلىگى, قر ىشكى ىستەر مينيسترلىگىنىڭ كوشى-قون قىزمەتى كوميتەتى, قر ۇلتتىق قاۋىپسىزدىك كوميتەتى جانە «يننوۆاتسيالىق تەحنولوگيالار پاركى» اۆتونوميالىق كلاستەرلىك قورىنىڭ بىرلەسكەن جۇمىسىنىڭ ارقاسىندا جۇزەگە اسىرىلدى.