پوليتسيا كوشى-قون زاڭناماسىن بۇزعان 700-گە جۋىق شەتەلدىك تاكسي جۇرگىزۋشىسىن انىقتادى, دەپ حابارلايدى Egemen.kz.
كوشى-قون قىزمەتىنىڭ مالىمەتىنشە, 5 كۇن ىشىندە وتكەن رەيدتىك ءىس-شارالار بارىسىندا 46 مىڭ كولىك تەكسەرىلىپ, 1 080 شەتەلدىك ازاماتتىڭ جەكە تاسىمالمەن زاڭسىز اينالىسقانى بەلگىلى بولعان. ولاردىڭ 691-ءى قوسىمشالار ارقىلى كوشى-قون زاڭناماسىن بۇزىپ, تاكسي قىزمەتىن كورسەتكەن.
سونداي-اق 234 شەتەلدىك ازاماتتىڭ ەل اۋماعىندا زاڭسىز ەڭبەك قىزمەتىن جۇزەگە اسىرعانى انىقتالسا, 457-ءسى قازاقستاندا بولۋ مەرزىمىن بۇزعانى ءۇشىن جاۋاپقا تارتىلعان.
سوت شەشىمىمەن 175 شەتەلدىك تاكسي جۇرگىزۋشىسى ەلدەن شىعارىلىپ, ونىڭ 103-ءى جەكە باسىن انىقتاۋ ماقساتىندا قابىلداۋ-تاراتۋ ورىندارىنا ورنالاستىرىلعان. سونىمەن قاتار, 38 قازاقستاندىق ازامات شەتەلدىكتەردى زاڭسىز جۇمىسقا تارتقانى ءۇشىن اكىمشىلىك جاۋاپكەرشىلىك ارقالاعان.