الماتى وبلىسىنىڭ پوليتسيا باسقارماسى وتكەن جىلدىڭ 4 قازانىندا تالعارداعى توبەلەس كەزىندە قازا تاپقان شەرزات پولاتتىڭ ىسىنە قاتىستى تەرگەۋ اياقتالعانىن حابارلادى, دەپ جازادى Egemen.kz.
تاراپتار قىلمىستىق ءىس ماتەريالدارىمەن تانىسقان سوڭ, ءىس سوتقا جىبەرۋ ءۇشىن پروكۋرورعا جولدانعان.
تەرگەۋ بارىسىندا 40 سوت ساراپتاماسى جۇرگىزىلىپ, 200 كۋاگەردەن جاۋاپ الىنعان. وبلىس پوليتسياسىنىڭ مالىمەتىنشە, قىلمىستىق ءىس 62 تومنان تۇرادى. ونىڭ ىشىندە جينالعان دالەلدەمەلەر, ساراپتاما قورىتىندىلارى, جاۋاپ الۋ حاتتامالارى جانە باسقا دا ماڭىزدى ماتەريالدار بار.
«بارلىق كۇدىكتىنىڭ وقيعا ورنىندا ايتقان جاۋاپتارى تەكسەرىلدى, پروتسەسس قاتىسۋشىلارى اراسىندا بەتتەستىرۋلەر وتكىزىلدى, سونداي-اق قىلمىستىڭ بارلىق ءمان-جايىن انىقتاۋعا باعىتتالعان وزگە دە تەرگەۋ ارەكەتتەرى جۇزەگە اسىرىلدى. ءاربىر تەرگەۋ ارەكەتى قىلمىستىق زاڭناما تالاپتارىنا سايكەس جۇرگىزىلدى, تەرگەۋدىڭ بارلىق كەزەڭىندە زاڭدىلىق, اشىقتىق جانە وبەكتيۆتىلىك ساقتالدى», دەلىنگەن حابارلامادا.
تەرگەۋ بارىسى مەن پروتسەسس قاتىسۋشىلارىنىڭ كونستيتۋتسيالىق قۇقىقتارىنىڭ ساقتالۋىن پروكۋراتۋرا ورگاندارى باقىلاۋدا ۇستاعان.