كەشە قازاقستان پارلامەنتى سەناتى توراعاسىنىڭ ورىنباسارى مۇحامبەت كوپەەۆ كۋۆەيت مەملەكەتى حالىق اسسامبلەياسىنىڭ دەپۋتاتى, “كۋۆەيت-قازاقستان” دوستىق توبىنىڭ توراعاسى ۋاليد مۋسايد ءال-تابتاباي باستاعان پارلامەنتتىك دەلەگاتسيامەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا م.كوپەەۆ بۇل ساپاردىڭ پارلامەنتارالىق بايلانىستاردى ودان ءارى ىلگەرىلەتۋدەگى جانە مەملەكەتارالىق قاتىناستاردى دامىتۋداعى حالىق ديپلوماتياسىنىڭ ماڭىزىن اتاپ ءوتتى.
سەنات قىزمەتى مەن قۇرىلىمىن تانىستىرا كەلىپ, توراعا ورىنباسارى مەملەكەتتىك ورگاندار جۇيەسىندەگى پارلامەنتتىڭ ءرولى تۋرالى اڭگىمەلەدى. قازاقستاننىڭ سىرتقى ساياساتىنا قاتىستى م.كوپەەۆ ءبىزدىڭ ەلىمىزدىڭ حالىقارالىق قۇرىلىمدارعا بەلسەنە ارالاسىپ كەلە جاتقانى تۋرالى ايتا كەلىپ, جاھاندىق وركەنيەتارالىق جانە دىنارالىق ۇنقاتىسۋدى دامىتۋ, تولەرانتتىلىق جانە توزىمدىلىكتى نىعايتۋداعى استانانىڭ باستامالارىنا توقتالدى.
ۋ.م. ءال-تابتاباي ءوز كەزەگىندە ەكى مەملەكەتتىڭ زاڭ شىعارۋشى ورگاندارى اراسىنداعى ىنتىماقتاستىقتى بەلسەندىلەندىرۋدە وسى ساپاردىڭ ماڭىزدى قادام بولاتىنىن اتاپ ءوتتى. ونىڭ پىكىرىنشە, زاڭ شىعارۋ سالاسىنداعى تاجىريبە الماسۋ جانە كەڭەسۋلەر پارلامەنتارالىق بايلانىستاردى جاڭا دەڭگەيگە كوتەرەتىن بولادى.
كۋۆەيت حالىق اسسامبلەياسىنىڭ دەپۋتاتى تولەرانتتىلىق جانە ءدىنارالىق كەلىسىم سالاسىنداعى ءبىزدىڭ ەلىمىزدىڭ جەتىستىكتەرىن جوعارى باعالادى جانە اراب الەمىندەگى قازاقستاننىڭ ەرەكشە ورنى مەن ورتالىق ازيا وڭىرىندەگى جەتەكشى ءرولىن اتاپ ءوتتى.
ۋ.م. ءال-تابتاباي قازاقستان الداعى جىلى يسلام كونفەرەنتسياسى ۇيىمى توراعاسىنىڭ لاۋازىمىندا ماڭىزدى ميسسيانى تابىستى اتقاراتىنىنا سەنىم ءبىلدىردى.