2024 جىلدىڭ 2 قىركۇيەگىندە تەمىر اۋدانىنا قاراستى قوپا اۋىلىندا مەكتەپ وقۋشىلارىنىڭ جاپپاي توبەلەسى ورىن الىپ, ءبىر ءجاسوسپىرىم قازا تاپقان ەدى, دەپ جازادى Egemen.kz.
اتاپ ايتقاندا 10-سىنىپ وقۋشىلارى 11-سىنىپ وقۋشىلارىنىڭ نۇسقاۋىمەن 9-سىنىپ وقۋشىلارىن ۇرىپ-سوققان. سالدارىنان كامەلەتكە تولماعان سىدىق ن. اۋىر دەنە جاراقاتتارىنان كوز جۇمعان.
ايماق پروكۋراتۋراسى ابايسىزدا مەكتەپ وقۋشىسىنىڭ ولىمىنە اكەلگەن دەنساۋلىققا قاساقانا اۋىر زيان كەلتiرۋ فاكتىسى بويىنشا قىلمىستىق ىستى اقتوبە وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا جولدادى.
تەرگەۋ بارىسىندا 6 كامەلەتكە تولماعان كۇدىكتى قاماۋعا الىنعان.
«ولاردىڭ بىرەۋى قر قك 106-بابىنىڭ 3-بولىگىمەن (ابايسىزدا جابىرلەنۋشىنىڭ ولىمىنە اكەلگەن قاساقانا اۋىر دەنە جاراقاتىن كەلتىرۋ) بويىنشا سوتقا بەرىلدى, ال قالعان بەسەۋى قر قك 293-بابىنىڭ 2-بولىگى (بۇزاقىلىق) جانە 106-بابى 3-بولىگىندە كوزدەلگەن قىلمىستى جاساۋدى ۇيىمداستىرعانى (قىلمىستى ۇيىمداستىرۋ, قر قك 28-بابى 3-بولىگى) ءۇشىن جاۋاپقا تارتىلىپ جاتىر», دەلىنگەن پروكۋراتۋرا حابارلاماسىندا.