قىزىلوردا وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى وبلىس ورتالىعىنداعى تۇنگى كلۋبتىڭ بىرىندە ازوت وكسيدى قۇيىلعان شارلار اشىق ساتىلىپ جاتقانى تۋرالى الەۋمەتتىك جەلىدە جاريالانعان دەرەككە بايلانىستى تەكسەرۋ جۇرگىزدى, دەپ حابارلايدى Egemen.kz.
جۇرگىزىلگەن جەدەل-ىزدەستىرۋ ءىس-شارالارى بارىسىندا 10 ليترلىك 2 باللون, پوليەتيلەن پاكەتكە سالىنعان شارلار, كاليان تابىلىپ, زاتتاي دالەلدەمە رەتىندە الىندى. قازىر دارiلiك نەمەسە باسقا دا قۇرالداردى پايدالانىپ, ەسەڭگiرەتۋ ءۇشiن پريتوندار ۇيىمداستىرۋ نەمەسە ولاردى ۇستاۋ بويىنشا قر قك 310-بابىنىڭ 1-بولىگىمەن سوتقا دەيىنگى تەرگەپ – تەكسەرۋ ارەكەتتەرى باستالدى.
پوليتسەيلەر الداعى ۋاقىتتا وزگە دە ويىن ساۋىق ورتالىقتارىنا تەكسەرۋ جۇرگىزەدى.