بۇل تۋرالى قازاقستان تەننيس فەدەراتسياسى حابارلادى, دەپ جازادى Egemen.kz.
بىرىككەن اراب امىرلىكتەرىندە ءوتىپ جاتقان تۋرنيردە ەلەنا رىباكينا الەمنىڭ 10-شى راكەتكاسىنا قارسى باق سىنادى. پاۋلا بادوسامەن كەزدەسۋدە جەڭىس وتانداسىمىزدىڭ ەنشىسىنە جازىلدى. ءۇش سەتتە قورىتىندى ەسەپ - 4:6, 7:6 (10:8), 7:6 (7:2).
«ەكىنشى سەتتەگى تاي-برەيكتە ەلەنا 3:6 ەسەبىمەن جەڭىلىپ جاتقان ەدى. الايدا ءتورت ماتچ-بولدا باسىم ءتۇسىپ, 10:8 ەسەبىمەن جەڭىپ كەتتى», دەلىنگەن فەدەراتسيا حابارلاماسىندا.
ەندى وتانداسىمىز شيرەك فينالدا امەريكالىق سوفيا كەنينمەن ءوزارا مىقتىنى انىقتايدى.